Wp/isv/Portugalsky jezyk

Portugalsky jezyk — to jezyk romanskoj grupy indoevropejskoj rodiny jezykov, ibero-romanska podgrupa. Razvil se iz srědnjevěčnogo galisijsko-portugalskogo jezyka. Pisemnost - jest na osnově latinskogo alfabeta.

Jest tretji po razprostranjenju v světu jezyk, koristajuči latinsky alfabet, poslě španskogo i anglijskogo. Vtory po kolikosti nositeljev romansky jezyk poslě blizkorodstvenogo španskogo jezyka.

Portugalsky jezyk - to šesty po razprostranjenju rodny jezyk v světu i tretji po razprostranjenju rodny jezyk v světu posrěd evropejskyh. Po ocěnkam vo vsem světu na portugalskom kako na rodnom jezyku razgovoret priblizno 250 milionov ljudij, a jestli uvažati kolikost ljudij, ktori govoret na portugalskom kako na vtorom jezyku, to generalna kolikost govorečih sostavjaje priblizno 274 miliona ljudij.

Portugalsky jezyk jest tretjim po razprostranjenju jezykom v zapadnoj polusferě, najbolje razprostranjenym jezykom v Južnoj Amerikě i vo vsej južnoj polusferě Zemje, on takože jest vtorym po razprostranjenju jezykom poslě španskogo v Latinskoj Amerikě.