Wp/isv/Organizm

gnědy medvěd, skot, kura, delfin afalina, cesarka, dika svinja.

Escherichia coli jest mikroskopičnym jednoklětočnym organizmom i prokariotom zajedno.

Ameby sut jednoklětočni evkarioty

Trutove griby i skrytnosemenne drěva sut velike mnogoklětočni evkarioty.

Filogenetično drěvo života (Carl Woese). Virusy ne sut prisutne tut, zatože ne sut dokazy tomu, že oni sut svezani s ostalnymi trěmi carstvami života

Organizm jest libokaka oddělna živa sučnost. Jest legko uznati živu sučnost, ale ne jest prosto ju oprěděliti. Očevidno, životne i rastliny sut organizmy. Organismy sut biotičnoju, ili živuči, čestju obsrědiny. Kameni ili solnečno světlo sut čestju neživoj obsrědiny.

Organizmy obyčajno imajut šest osnovnyh potrěb za prodolženje jihnogo metabolizma. Jim trěba vozduh, voda, poživjenje (jeda), energija, město dlja žitja, i homeostaz (možlivost se shranjati i poddrživati). Ale, ne vsi žive sučnosti potrěbujut to vsečto vsaky čas. Něktore organizmy ne trěbujut sovsim nikakogo vozduha. Žive sučnosti imajut klětky, prijemajut i koristajut energiju, rastut i razvivajut se, imajut podobnu himiju, čuvstva i odpovědanje na izměny (stimuly), i reproduckciju.

Trěba nemnogo razmysliti o virusah. Ne jest suglasje, či li jih trěba razgledati kako živi. Oni sut stvorjeni iz bělkov i nukleovyh kyslin, i oni razvivajut se, čto jest napravdu važnym faktom. Jednakože, oni jestvujut vo dvoh različnyh fazah. Jedna faza jest speči, ne aktivna. Druga jest vnutri živoj klětky někakogo inogo organizma, kogda virus velmi aktivno razmnažaje se. Pogledajte na paralelu s kompjuternoju programoju. Pri koristanju ona jest aktivna, kogda se ne koristaje, ona jest vpolno inaktivna, ale to jest ta sama jednaka programa.

Drugym prikladom iz biologije jest spora, ktora jest fazoju razprostranjenja bakterij, gribov (plěsnjij) ili něktoryh rastlin. Oni ne sut aktivni, dopoka ne okažut se v prigodnoj situaciji. Oni imajt vse rabotne česti da by iztvoriti novy cěly organizm, ale do tutogo momenta oni sut izključene.

Něktore organizmy sut složeni iz milionov klětok. Tuto sut mnogoklětočni organizmy. Mnoge iz njih jest možno uzrěti bez mikroskopa.

Mnoge organizmy sut tako mali, že jih ne jest možlivo viděti golym okom. Da by jih uviděti, trěba koristiti mikroskop. Jih nazyvajut mikroorganizmy. Organizmy mogut se skladati samo iz jednoj klětky. Oni nazyvajut se Jednoklětočne organizmy. Priklady vključajut bakterije i prostejši (protozoa) kako sut ameby i ili paramecije.

Proizhodženje

Projekt Drěvo života rabotaje na svezah medžu živymi sučnostemi. Jednoju iz glavnyh mět jest oprěděljenje poslědnogo universalnogo občego prědka LUCA (last universal common ancestor). Mněvaje se, že LUCA jest žil někakyh 3.8 miliardov lět tomu (někogda v Paleoarhaičnoj době).

Universalny obči prědok jest prinajmenje 10²⁸⁶⁰ raz vyše pravdopodobny, než množstvo prědkov.

Model s jednim občim prědkom, ale dozvoljajuči někaky obměn genami medžu vidami byl... 10³⁴⁸⁹ raz vyše pravdopodobnym, než najlěpši model s množstvom prědkov...

Tuta ideja jest prišla od knigy Čarlza Darwina "On the Origin of Species" (O proizhodženju vidov), "Jerbo... věrojetno, vsi organične jestestva, ktore sut poněkogda žili na tutoj Zemji, pohodet od jednoj prvotnoj formy..."

Druge sajty

• About the Tree of Life Web Project
• Maddison D.R. et al 2007. The Tree of Life Web Project. Pages 19-40 in: Zhang Z.-Q. & Shear W.A., eds. Linnaeus Tercentenary: progress in invertebrate taxonomy. Zootaxa 1668:1-766. Open Access PDF

Vnešnje linky

• Tuty članok sodrživaje prěklad iz članka «Organism» v Vikipediji na prostom anglijskom (spis avtorov; dozvoljeńje CC BY-SA 4.0).