Wp/isv/Ocelot
 | |
| Status shranjenja | S minimalnym rizikom (LC) IUCN3.1[1] |
|---|---|
| Naučna klasifikacija | |
| Domen | Eukaryota |
| Carstvo | Animalia |
| Tip | Chordata |
| Klasa | Mammalia |
| Red | Carnivora |
| Podred | Feliformia |
| Sěmejstvo | Felidae |
| Rod | Leopardus |
| Vid | L. pardalis |
| Binominalno ime | |
| Leopardus pardalis, (Linnaeus, 1758) | |
| Areal razprostranjenja | |
 | |
Ocelot (Leopardus pardalis) jest malym sosavcem, jednym iz deveti vidov roda Leopardus.
Obyčno žive v Južnoj Amerikě i Centralnoj Amerikě až do Meksika i maloj česti jugozapadnyh Sjedinjenyh štatov. Jego viděli tako daleko na sěver kako v Teksasu, i takože na Trinidadu v Karajibskom morju. Tuti koti jedajut malyh sosavcev, ptice, ryby i zmije. Oceloti velmi dobro umějut plavati.
Někogda jih sut lovili zaradi jihnoj krasivoj šuby, ocelot jest tutčas hranjenym zvěrom i zanesenym v Črvenu knigu Vsesvětnogo sveza ohrany prirody v kategoriji 's minimalnym rizikom'. Tutoj kot jest nočny zvěr, ljubi lěsy i gustu vegetaciju. On jest velmi teritorialny, i bude vojevati za svoju ozemju. Kako mnogi kotovi, samci ocelota označajut svoju teritoriju močju.
Jihne koteta rastut pomalo i ostavajut s svojeju matkoju až po dobu do dvoh lět. Jim jest nužno naučiti se loviti žrtv než oni smogut se stati nezavisnymi.
Hoti ocelot jest "malym kotom", on jest namnogo večšy, než druge iz njih. Ocelot izrastaje do 68 - 100 cm dolžinoju, plus 26 - 45 cm dolžiny hvosta, i tipično važi od 8 do 18 kg. Nahodili se sut i věčši prědstavitelji vida.[2][3][4] Jest to največši vid dikyh kotov roda Leopardus, ostale sut cělkovo menšimi.
Ekscentričny umětnik Saljvador Dali v 1960-h godah iměl ocelota po imenu Babu kako domašnogo ljubimca, ktorogo jest vodil s soboju vsekde na povodu i v razkošnom ošejniku, časom poradžajuči paniku srěd posětiteljev respektabelnyh restoranov i drugyh publičnyh měst.
Podvidy ocelota
Jestvuje mnogo podvidov ocelota, tut jest jih spisok i kde oni živut:
- Leopardus pardalis pardalis, vozdolž Amazonky
- Leopardus pardalis aequatorialis, Sevěrne Andy
- Leopardus pardalis albescens[5] Meksiko, Teksas
- Leopardus pardalis maripensis, Venezuela, Gajana
- Leopardus pardalis mearnsi[5] Centralna Amerika
- Leopardus pardalis mitis[5] Argentina, Paragvaj
- Leopardus pardalis nelsoni, Meksiko
- Leopardus pardalis pseudopardalis, Kolumbija
- Leopardus pardalis puseaus, Ekvador
- Leopardus pardalis sonoriensis, Meksiko
- Leopardus pardalis steinbachi, Bolivija
Zri takože
Referencije
- 1 2 Paviolo, A.; Crawshaw, P.; Caso, A.; de Oliveira, T.; Lopez-Gonzalez, C.A.; Kelly, M.; De Angelo, C. & Payan, E. (2015). "Leopardus pardalis". The IUCN Red List of Threatened Species. IUCN. 2016: e.T11509A97212355. doi:10.2305/IUCN.UK.2015-4.RLTS.T11509A50653476.en. Data dostupa: 17 januara 2022.
- ↑ Burnie, David & Don E. Wilson 2001. Animal: the definitive visual guide to the world's wildlife. New York City: Dorling Kindersley. ISBN 0-7894-7764-5
- ↑ Sunquist, Mel & Sunquist, Fiona 2002. Wild cats of the world. Chicago: University of Chicago Press. pp. 120–129. ISBN 0-226-77999-8
- ↑ Moreno R.S.; i dr. (2006). "Competitive release in diets of ocelot (Leopardus pardalis) and puma (Puma concolor) after jaguar (Panthera onca) decline" (PDF). Journal of Mammalogy. 87 (4): 808–816. doi:10.1644/05-MAMM-A-360R2.1. S2CID 37859321. Bylo arhivovano iz iztočnika (PDF) 4 mareca 2011. Data dostupa: 14 januara 2015.
- 1 2 3 Соколов В. Е. (1986). Редкие и исчезающие животные. Млекопитающие (Справ. пособие) (na russkom). М.: Высшая школа. str. 519.
Vnešnje linky
- Tutoj članok imaje prěvod iz članka «Ocelot» v Vikipediji na prostom anglijskom (spis avtorov; dozvoljenje CC BY-SA 4.0).
- Tutoj članok imaje prěvod iz članka «Оцелот» v Vikipediji na russkom (spis avtorov; dozvoljenje CC BY-SA 4.0).