Wp/isv/Nikolo Makijaveli
| Nikolo Makijaveli | |
|---|---|
| Obraz |  |
| Rodil se | 3 maja 1469 Florencija, Florentijska Republika |
| Umrl | 21 junija 1527 (58 lět) Florencija, Florentijska Republika |
| Žena | Marietta Corsini |
| Děti | 7 |
| Era | Filozofija Renesansy |
| Region | Zapadna filozofija |
| Škola | Klasičny realizm, republikanizm |
| Glavne interesy | Politika i politična filozofija, vojenna teorija, historija |
| Značime tvorby | Vladar, Razpravy o prvom desetilětje Tita Livija |
| Značime ideji | Clasičny realizm, virtù, moderny republikanizm |
| Podpis |  |
Nikolo di Bernardo dei Makijaveli (italj. Niccolò di Bernardo dei Machiavelli; 3 maja 1469 – 21 junija 1527) – byl florentijsky diplomat, pisatelj, filozof i historik, ktory žil v epohě italjanskoj Renesansy. On je najvyše znany za jego političny traktat «Vladar» (Il Principe), napisany priblizno 1513 goda, ale opublikovany jedino v 1532 godu, črěz pet lět poslě jego smrti. Jego često imenujut otcem modernoj političnoj filozofije i političnoj nauky.
Na proteženju mnogyh lět on služil kako vysokopostavjeny činovnik vo Florentijskoj republikě, zajmavši se diplomatičnymi i vojennymi dělami. On pisal komedije, karnavalne pěsnje i stihy. Jego lična korespondencija imaje važno značenje za studiovateljev italjanskoj prěpisky. On pracoval sekretarom vtoroj kancelarije Florentijskoj republiky s 1498 do 1512 goda, koda Medici ne byli u vlady.
Poslě jego smrti ime Makijaveli stalo izzyvati asociacije s bezprincipnymi dějanjami, ktore on prizyval činiti v jegovoj znamenitoj tvorbě «Vladar». On interesoval se sposobami, ktorymi pravitelj može posluživati se, aby prěžiti v politikě, i znal, že ti, ktori imali uspěh, zajmali se lukavstom, obmanom, ložju, krivdoju, prědavstom, izradoju i zločinstvom. On sovětoval i radil vladnikam učinjati zlo, kogda togo trěbuje politična situacija, v někaky moment on stvrdil, že uspěšni osnovatelji i reformatori vlad muset byti opravdani za ubijstvo inyh liderov, ktori budut jim protivstojati. «Vladar» Makijaveli byl okružen sporami s momenta jego publikacije. Něktori mněvajut jego prostym opisanjem političnoj realnosti. Mnogi mněvajut «Vladara» kak rukovodstvo, obučajuče potencijnyh tiranov tomu, kako jim slěduje zahvačati i udrživati vladu.
Iztočniky
[edit | edit source]Tuty članok imaje prěvod iz članka «Niccolò Machiavelli» na anglijskom (spis avtorov; dozvoljeńje CC BY-SA 4.0).