Wp/isv/Neolatinsky
Možete pomogti Vikipediji uveličenjem članka. (December 2025)
 | |
| Obča informacija | |
|---|---|
| Stvorjeny | Jordi Cassany-Bates |
| Data stvorjenja | 2017 |
| Pismo | |
| Celj | |
| Jezyčne kody | |
Romansky neolatinsky ili prosto neolatinsky (neolatin. Neolatino) jest medžunarodny pomočny jezyk, sdělany aby govoritelji raznyh romanskyh jezykov mogli komunikovati jedin s drugym. V vyše točnom smyslu, neolatinsky jest kodifikovanoju jezyčnoju lektoju, osnovanoju na romanskyh jezykah. Neolatinsky izbavjaje se od idiosinkrazij romanskyh jezykov, koje dělajut jih težkymi za razuměnje govoriteljev raznyh jezykov, i fokusuje se na množstvu občih slov i jezyčnyh rěčenjij, ktore imajut romanske jezyky. [1]
Neolatinsky v něktorom smyslu jest hipotetična evolucija ljudskogo latinskogo, takym obrazom, koj byl by najvyše razumlivy za rodnyh govoriteljev romanskyh jezykov, shranjajuči jihne obče gramatične i strukturne aspekty, ktore tute jezyky medžu soboju imajut. To znači, že za člověka bez znanja romanskyh jezykov, neolatinsky ne bude legšim za učenje, neželi vse ostale romanske jezyky, ale on imaje cělj byti najvyše vzajemorazumlivym za govoriteljev vsih tutyh jezykov.
Neolatinsky byl izrabotany organizacijeju Vía Neolatina, koja jest kolektivny, medžunarodny i medžudisciplinny projekt, rabotajuči v Internetu na dobrovoljnyh osnovah. Osnovateljem projekta jest Jordi Casany-Bates — lingvist-romanist iz Valencije, koj rabotaje nad kodifikacijeju jezyka od 2006 roka. [2]
Neolatinsky pojavil se kak standartny jezyk izključno na romanskoj osnově, v različju od drugyh podobnyh jezykov kak napriměr {{Wp/isv/-Interlingua}}. Interlingua jest umětny jezyčny projekt, sdělany International Auxiliary Language Association, čijimi cěljami byli ocěnka jestvujučih umětnyh jezykov i dodavanje rekomendacij za stvorenje "idealnogo" umětnogo jezyka iz njih.
Neolatinsky, s drugoj strany, ne jest osnovany na nikakom umětnom jezyku, vměsto togo on slěduje kriterijam prirodnyh jezykov.
Glavny cělj za neolatinsky ne jest promocija adaptacije medžunarodnogo umětnogo jezyka za ves svět, ale jest pomoč v komunikaciji "za različnyh govoriteljev modernyh romanskyh jezykov, posrědstvom svojstv i harakteristik jihnyh rodnyh jezykov". Zatom, v različju od interlingua, neolatinsky ne posluživaje se inovativnymi principami, ale jest osnovany na kodifikacijnoj teoriji, izrabotanoj lingvistami kak sut Lamuela, Kastejanos i Sumien. Neolatinsky i medžuslovjansky sut podobne v metodah i principah izrabotyvanja jezyka. [2]
Oficialny sajt projekta jest neolatino.eu
Priměr teksta na neolatinskom:
[edit | edit source]| Jezyk | Prva glava deklaracije prav člověka |
|---|---|
| Neolatinsky | Totos los èsseres humanos nascen líberos et equales en dignitate et derectos. Son dotatos de rattsone et conscièntia et deven agire los unos vèrso los altros en espírito de fraternitate. |
| Francuzsky | Tous les êtres humains naissent libres et égaux en dignité et en droits. Ils sont doués de raison et de conscience et doivent agir les uns envers les autres dans un esprit de fraternité. |
| Špansky | Todos los seres humanos nacen libres e iguales en dignidad y derechos y, dotados como están de razón y conciencia, deben comportarse fraternalmente los unos con los otros. |
| Portugalsky | Todos os seres humanos nascem livres e iguais em dignidade e em direitos. Dotados de razão e de consciência, devem agir uns para com os outros em espírito de fraternidade. |
| Italijansky | Tutti gli esseri umani nascono liberi ed eguali in dignità e diritti. Essi sono dotati di ragione e di coscienza e devono agire gli uni verso gli altri in spirito di fratellanza. |
| Rumunsky | Toate fiinţele umane se nasc libere şi egale în demnitate şi în drepturi. Ele sunt înzestrate cu raţiune şi conştiinţă şi trebuie să se comporte unele faţă de altele în spiritul fraternităţii. |
| Medžuslovjansky | Vsi ljudi rodet se svobodnymi i ravnymi v svojem dostojenstvu i pravah. Oni sut obdarjene razumom i svědomjem i muset postupati v odnošenju jedin k drugomu v duhu bratstva. |
Spis literatury
[edit | edit source]- ↑ Websajt Omniglot. Neolatin. Data dostupa: 20 dekembra 2025.
- 1 2 Principios de desegno de lo romance neolatino. Jordi Cassany-Bates, 2017.
Vněšnje linky
[edit | edit source]- Tutoj članok imaje prěvod iz članka «Neolatino Romance» v Vikipediji na anglijskom jezyku (spis avtorov; dozvoljeńje CC BY-SA 4.0).