Wp/isv/Medžuslovjanske alfabety

Jest tri standardizirovane medžuslovjanske alfabety: osnovna latinica, osnovna kirilica i etimologična latinica.

Znaky

Vse bukvy imaje dve formy, majuskul i minuskul.

Osnovna latinica skladati se iz 27 bukv i 3 digrafy, osnovna kirilica iz 29 bukv i 1 digraf i etimologična iz vseh iz osnovne latinice plus 14 bukv. Raznica medžu kolikost bukv i digrafov v latinici i kirilici jest za Lj lj, Nj nj i Љ љ, Њ њ.

Jest bukvy ktore ne prisutstvujut na vsih klaviaturah, tomu jest variacije i druge znaky.

Latinica

ISO osnovny latinsky alfabet imaje 26 bukv iz nih 23 sut v osnovne latinice i slědujuče tri ne: Q q, W w, X x. Četyri bukvy ne sut v moderne osnovne latinske alfabete: Ě ě, Č č, Š š. Ž ž.

Vměsto bukv č š ž možno jest pisati cz sz zs (poljsky stroj) ili cx sx zx (eks-stroj).

Kirilica

Četyri bukvy ne sut resultat transliteracije soglasno ISO 9 iz Latinskogo medžuslovjanskogo alfabeta: Є є, Ј ј, Љ љ, Њ њ.

Vměsto bukv:

• ј možno jest pisati й (togda vměsto ја/ьа i ју/ьу piše se я i ю).
• љ њ možno jest pisati ль нь.

Transliteracija

Transliteracija soglasno ISO 9 jest:

• iz Kirilice: Є є -> Ê ê, Ј ј -> J̌ ǰ, Љ љ -> L̂ l̂, Њ њ -> N̂ n̂, Ь ь -> ʹ
• iz Latinice: J j -> Й й, Lj lj -> Лй лй, Nj nj -> Нй нй

Bukva Ě ě ne jest v ISO 9.

Zato dve bukvy i dve digrafy ne mogut biti transliterovan medžu standardne osnovne medžuslovjanske alfabety soglasno ISO 9.

Osnovne alfabety

Osnovne alfabety

Bukvy		ISO 9		Izgovor	Varianty
Latinica	Kirilica	iz K. do L.	iz L. do K.		latinice	kirilice
A a	A а	A a	A а	[ɑ ~ a]
B b	Б б	B b	Б б	[b]
C c	Ц ц	C c	Ц ц	[ʦ]
Č č	Ч ч	Č č	Ч ч	[ʧ ~ tʂ]	cz, cx
D d	Д д	D d	Д д	[d]
Dž dž	Дж дж	Dž dž	Дж дж	[d͡ʒ ~ d͡ʐ]	dzs, dzx
E e	Е е	E e	Е е	[ɛ ~ e]
Ě ě	Є є	Ê ê	-	[ʲɛ]	e, ex
F f	Ф ф	F f	Ф ф	[f]
G g	Г г	G g	Г г	[g ~ ɦ]
H h	Х х	H h	Х х	[x]
I i	И и	I i	И и	[i ~ ɪ]
J j	Ј ј	J̌ ǰ	Й й	[j]		й (no ја/ьа i ју/ьу : я i ю)
K k	К к	K k	К к	[k]
L l	Л л	L l	Л л	[l ~ ɫ]
Lj lj	Љ љ	L̂ l̂	Лй лй	[ʎ ~ l]		ль
M m	М м	M m	М м	[m]
N n	Н н	N n	Н н	[n]
Nj nj	Њ њ	N̂ n̂	Нй нй	[nʲ ~ ɲ]		нь
O o	О о	O o	О о	[ɔ ~ o]
P p	П п	P p	П п	[p]
R r	Р р	R r	Р р	[r]
S s	С с	S s	С с	[s]
Š š	Ш ш	Š š	Ш ш	[ʃ ~ ʂ]	sz, sx
T t	Т т	T t	Т т	[t]
U u	У у	U u	У у	[u]
V v	В в	V v	В в	[v ~ ʋ]
Y y	Ы ы	Y y	Ы ы	[i ~ ɪ ~ ɨ]
Z z	З з	Z z	З з	[z]
Ž ž	Ж ж	Ž ž	Ж ж	[ʒ ~ ʐ]	zs, zx

Dodatočne latinske bukvy etimologičnogo alfabeta

Dodatočne latinske bukvy etimologičnogo alfabeta

Etimologičny	Osnovny	Izgovor	Zamětky
Å å	A a	[ɒ]	Praslovjansky TorT/TolT > staroslovjansky TraT/TlaT.
Ć ć	Č č	[t͡ɕ]	Praslovjansky tj > staroslovjansky щ
D́ d́	D d	[dʲ ~ ɟ]	Staroslovjansky дь. Alternativno zapisanje jest Ď.
Đ đ	Dž dž	[d͡ʑ]	Zapisańje digrafa črěz ligaturu. Praslovjansky dj > staroslovjansky жд (vměsto dž v slovjanskyh slovah).
Ė ė	E e	[ɛ ~ ǝ]	Alternativno zapisańje jest È.
Ę ę	E e	[ʲæ]	Staroslovjansky ѧ.
Ĺ ĺ	Lj lj, L l	[ʎ ~ l]	Staroslovjansky ль. Alternativno zapisanje jest Ľ.
Ń ń	Nj nj, N n	[nʲ ~ ɲ]	Staroslovjansky нь.
Ȯ ȯ	O o	[ə ~ ʌ]	Alternativno zapisanje jest Ò. Staroslovjansky silny ъ.
Ŕ ŕ	R r	[rʲ ~ r̝]	Staroslovjansky рь. Alternativno zapisanje jest Ř.
Ś ś	S s	[ɕ]	Staroslovjansky сь.
T́ t́	T t	[tʲ ~ c]	Staroslovjansky ть. Alternativno zapisanje jest Ť.
Ų ų	U u	[o ~ ʊ]	Staroslovjansky ѫ.
Ź ź	Z z	[zʲ ~ ʑ]	Staroslovjansky зь.

Vněšnje linky

• https://interslavic.fun/learn/orthography/
• https://www.youtube.com/playlist?list=PLT_X5HnKrXojowTrrvsP66dBvDCg3eY5X