Wp/isv/Marijsky jezyk
 | |
| Obča informacija | |
|---|---|
| Ozemja | Rosija |
| Govoritelji | Lukomarijsky: 258 722 / Gorskomarijsky: 15 352 (2020)[3] |
| Pismo | |
| Služebny status | |
| Služebny jezyk | |
| Jezyčna organizacija | Marijsky naučno-izslědovatelny institut jezyka, literatury i historii |
| Jezyčna rodina | |
| Jezyčne kody | |
| ISO 639-3 | chm |
Marijsky jezyk ili marijske jezyky[4] (mar.: марий йылме, IPA: [mɑˈɾij ˈjəlme]) — jezyk Marijcev i državny jezyk Republiky Marij El; jedin iz ugrofinskyh jezykov; naleži k finno-permskoj galuzi (pribaltijsko-finske, saamske, mordovske, udmurtsky i jezyk komi), marijskoj skupině tutyh jezykov. Zastarělo nazvanje — «čeremissky jezyk» (od zastarělogo nazvanja Marijcev — «čeremizy»).
V nastoječo vrěme jest prědstavjeny trěma kniževnymi jezykamy: lukomarijskym, gorskomarijskym i sěverozapadnym marijskym. Čislo nositeljev vsih na 2020 god — okolo 270 000 ljudij.
Koristaje se glavnym obrazom v Republikě Marij El i Baškortostanu. Pomimo Marij El, jest razprostraněn takože v basenu rěky Vjatky k iztoku, do Urala. Marijska pismennost jestvuje na osnově kirilicy.
Po svojemu stroju to jest, kako i druge ugrofinske, aglutinativny jezyk.
Dialektologija
V (luko-iztočnom) marijskom jezyku uděljajut nekoliko dialektov i govorov: lukovy, razprostraněny izključitelno na lukovom brěgu (u Joškar-Oly), a takože susědne k lukovomu tako nazyvane iztočne (uralske) govory (v Baškortostaně, Sverdlovskoj oblasti, Udmurtiji i dr.). Oddělno uděljajut gorskomarijsky jezyk, razprostranjeny prědnostno na gornom pravom brěgu Volgy (okolo Kozmodemjanska) i čestično na lučnom lěvom jej brěgu — na zapadu Marij El, a takože sěverozapadny marijsky jezyk, na ktorom sut razgovarjajut v Nižegorodskoj oblasti i někotoryh okrugah Kirovskoj oblasti.
Suglasno Konstituciji Republiky Marij El, marijsky jezyk (gorny i lukovy), zajedno s russkym jezykom, jest jedin iz državnyh jezykov Respubliky Marij El.[5]
Čislo nositeljev
- Čislo nositeljev lukomarijskogo jezyka suglasno prěpisam:
451 033 (2002)
365 127 (2010)
258 722 (2020)[3] - Čislo nositeljev gorskomarijskogo jezyka suglasno prěpisam:
36 822 (2002)
23 062 (2010)
15 352 (2020)[3] - Čislo nositeljev sěverozapadnomarijskogo jezyka suglasno prěpisam:
okolo 38 000 (2002)[4]
| Federalny okrug / Subjekt RF | Čislo nositeljev v 2002 godu (% od občego čisla) |
|---|---|
| Privolžsky FO, v tom čislě: | 413 209 (91,6 %) |
| Marij El | 254 108 (56,3 %) |
| Baškortostan | 95 405 (21,2 %) |
| Tatarstan | 15 435 (3,4 %) |
| Kirovska oblast | 28 161 (6,2 %) |
| Udmurtija | 6 981 (1,6 %) |
| Uralsky FO, v tom čislě: | 21 818 (4,8 %) |
| Sverdlovska oblast | 14 770 (3,2 %) |
| Južny FO | 4 942 (1,1 %) |
| Siberijsky FO | 4 016 (0,9 %) |
| Centralny FO | 3 295 (0,7 %) |
| Sěverozapadny FO | 2 783 (0,6 %) |
| Daljevozhodny FO | 970 (0,2 %) |
| VSEGO | 451 033 (100 %) |
Historija marijskogo jezyka
Historija marijskogo jezyka jest sravniteljno malo izučena; dostověrno jest vědomo toliko to, že on jest složil se v Povolžju. Najvěrojetnějšeju teritorijeju, odkud v Srědnjevěčju sut izšli nositelji marijskyh dialektov, jest pravy brěg Volgy medžu Suroju i Civiljem, i nižno tečenje Vetlugy na lěvom brěgu Volgy.[6] Někotoru oporu v děle ustanovjenja hronologije davajut pozajetja. Tako, možno utvrdžati, že prěhod starogo /s/ v /š/ proizšedl v marijskom jezyku pozdněje početka tatarskogo vlivanja, to jest ne raněje XIII stolětja.
Pismennost
Marijska pismennost na osnově kirilicy povstala v drugoj polovině XVIII stolětja. Nyněšny alfabet (s něktorymi izměnami) koristaje se od 1870-h godov.
Na marijskom jezyku iydavajut se žurnaly «Ončyko» («Vperjod»), «Pačemyš» («Osa»); gazety «Kugarnija» («Pjatnica»), «Marij El», «Čolman» («Kama») i «Morko mlandě» («Morkinskaja zemlja»).
Lukomarijsky alfabet:[7]
| А а | Б б | В в | Г г | Д д | Е е | Ё ё | Ж ж | З з | И и | Й й | К к |
| Л л | М м | Н н | Ҥ ҥ | О о | Ӧ ӧ | П п | Р р | С с | Т т | У у | Ӱ ӱ |
| Ф ф | Х х | Ц ц | Ч ч | Ш ш | Щ щ | Ъ ъ | Ы ы | Ь ь | Э э | Ю ю | Я я |
Gorskomarijsky alfabet:[7]
| А а | Ӓ ӓ | Б б | В в | Г г | Д д | Е е | Ё ё | Ж ж | З з | И и | Й й | К к |
| Л л | М м | Н н | О о | Ӧ ӧ | П п | Р р | С с | Т т | У у | Ӱ ӱ | Ф ф | Х х |
| Ц ц | Ч ч | Ш ш | Щ щ | Ъ ъ | Ы ы | Ӹ ӹ | Ь ь | Э э | Ю ю | Я я |
Lingvistična harakteristika
Fonetika i fonologija
Da by uslyšati zapis zvučanja lukomarijskogo jezyka, natisnite tut; da by uslyšati zapis gorskomarijskogo jezyka, natisnite tut.
V nastoječe vrěme literaturne marijske jezyky (gorskomarijsky i lukomarijsky) koristajut pismo, sostavjeno na osnově tak nazyvanoj russkoj graždanskoj azbuki. Princip pisma jest fonetičny.
Samoglasky
| Prědne | Centralne | Zadne | |||
|---|---|---|---|---|---|
| Neogubjene | Ogubjene | Neogubjene | Neogubjene | Ogubjene | |
| Vrhny podjem | IPA: /i/ и | IPA: /y/ ӱ | IPA: /u/ у | ||
| Srědny podjem | IPA: /e/ е | IPA: /ø/ ӧ | IPA: /ə/, IPA: /ə̟/ ы/ӹ | IPA: /o/ о | |
| Nižny podjem | IPA: /æ/ ӓ | IPA: /ɑ/ а | |||
Suglasky
| Gubne | Zubne | Alveolarne | Postalveolarne | Palatalne | Zadnjejezyčne | |||
|---|---|---|---|---|---|---|---|---|
| Proste | Palatalizovane | |||||||
| Nosove | IPA: /m/ м | IPA: /n/ н | IPA: /ɲ/ н(ь) | IPA: /ŋ/ ҥ | ||||
| Eksplozivne | Gluhie | IPA: /p/ п | IPA: /t/ т | IPA: /tʲ/ т(ь) | IPA: /k/ к | |||
| Zvučne | IPA: /b/ б | IPA: /d/ д | IPA: /ɡ/ г | |||||
| Afrikaty | IPA: /ts/ ц | IPA: /tʃ/ ч | ||||||
| Frikativne | Gluhie | IPA: /s/ с | IPA: /ʃ/ ш | IPA: /x/ х | ||||
| Zvučne | IPA: /β/ в | IPA: /ð/ д | IPA: /z/ з | IPA: /ʒ/ ж | ||||
| Rotične | IPA: /r/ р | |||||||
| Aproksimanty | Centralne | IPA: /j/ й | ||||||
| Bočne | IPA: /l/ л | IPA: /ʎ/ л(ь) | ||||||
Vokalno suglasovanje
V marijskom jezyku i samoglasky, i suglasky poddavajut se zakonu vokalnogo suglasovanja.[8] Osobno polno vokalično suglasovanje jest razvito v gornom narěčji.
Ako v kakom-libo slogu sut а, о, у ili ы̆, to v naslědnyh slogah vystupajut, osim э и и, toliko a, o, u ili ы̆; ako že v kakom-libo slogu sut ӧ, ӱ ili ӹ, to v naslědnyh slogah vystupajut, osim э i и, toliko ӧ, ӱ ili ӹ.
Udarjenje
Udarjenje v marijskyh slovah može padati na vsekaky slog.[8]
Gramatika
Morfologija
Marijsky jest aglutinativny jezyk s velmi razvitym sklonjenjem imennikov (jedinnadset padežev, dva čisla, sedm form privlastnitelnosti) i sravniteljno slabo razvitym časovanjem (šest lic-čisel, malo čislo vrěmen i naklonjenij). Relativno malo čislo padežev kompensuje se koristanjem poslělogov. Kako i v drugyh ugrofinskyh jezykah, v marijskom polnostju odsutstvuje kategorija gramatičnogo roda.[8]
Čislovnik
Kolikostne čislovniky v marijskom jezyku imajut kratku i polnu formu.
| Jezyk | 1 | 2 | 3 | 4 | 5 | 6 | 7 | 8 | 9 | 10 | 11 | 20 |
|---|---|---|---|---|---|---|---|---|---|---|---|---|
| Lukomarijsky | Ик, и́кте (и́кыт, и́ктыт) | Кок, ко́кыт (ко́ктыт) | Кум, ку́мыт | Ныл, ны́лыт | Виз (вич), ви́зыт | Куд, ку́дыт | Шым, шы́мыт | Канда́ш, канда́ше | Инде́ш, инде́ше | Лу | Лати́к, лати́кыт | Ко́ло |
| Sěverozapadny marijsky | Ик, и́ктӹ (и́ктӹт) | Кок, ко́ктыт | Көм, кө́мөт | Нӹл, нӹ́лӹт | Вӹц, вӹ́зӹт | Көт, кө́дыт | Шӹм, шӹ́мӹт | Кӓнтӓ́ҥӹш, кӓнтӓ́ҥӹшӹ | Инти́ҥӹш, инти́ҥӹшӹ | Лу | Лати́к, лати́ктӹ ('латиктӹт) | Ко́ло |
| Gorskomarijsky | Ик, икты | Кок, кокты | Кым, кымыт | Нӹл, нӹлыт | Вӹц, вӹзыт | Куд, кудыт | Шӹм, шӹмыт | Кӓндакш, кӓндакшы | Ӹндекш, ӹндекшы | Лу | Луатик, луатикты | Коклы |
| Jezyk | 30 | 40 | 50 | 60 | 70 | 80 | 90 | 100 | 1000 | 10000 | 1000000 | 1000000000 |
| Lukomarijsky | Ку́мло | Ны́лле | Ви́тле | Ку́дло | Шы́мле | Кандашле | Индешле | Шӱдӧ | Тӱжем | Тӱмем | Амион | Камысыр |
| Sěverozapadny marijsky | Ку́мло | Нӹ́лдӹ | Вӹ́тьльӹ | Ку́тло | Шӹ́млу | Кӓнтӓҥӹшлу | Интиҥӹшлу | Шӱдӧ | Тишӹ | — | — | — |
| Gorskomarijsky | Кымлы | Нӹллы | Вӹцлы | Кудлу | Шӹмлу | Кӓндакшлу | Ӹндекшлу | Шӱды | Тӹжем | Лу тӹжем | Миллион | Миллиард |
Zaimennik
Osobne zaimenniky marijskogo jezyka:[8]
| Lukomarijsky | Gorskomarijsky | Sěverozapadnomarijsky | Prěvod |
|---|---|---|---|
| Мый | Мӹнь | Мӹнь | «ja» |
| Тый | Тӹнь | Тӹнь | «ty» |
| Тудо | Тӹды | Тӫдӧ | «on, ona, ono» |
| Ме | Мӓ | Ме | «my» |
| Те | Тӓ | Те | «vy» |
| Нуно | Нӹны | Нӫнӧ | «oni» |
Sintaksa
V oblasty sintaksy marijskomu jezyku jest svojstveno odsutstvo suglasovanija, pomimo suglasovanja glagola s imennikom v licu i čislě, i koristanje odrěčnogo glagola, pri ktorom znamenatelny glagol zaměnjaje se osobnymi odglagolnymi dopolnjujučimi formami. Obyčajny poredok slov jest SOV (podmět—dopolnjenje—predikat).[9]
Leksika
V slovosboru sovrěmennogo marijskogo jezyka obyčno ustanavjajut mnoge naslojenja. K prvonačelnym slovam ugrofinskogo proizhodženja odnoset se, napriměr, osobne zaimenniky (мый «ja», тый «ty»), čislovniky od 1 do 7, nazvanja čestij těla (шинча «oko», кид «ruka»), něktoryh životinih i rastenij (рывыж «lisica», шордо «los», кож «smrěk», тумо «dub») i prědmetov neživoj prirody (пыл «oblako»).[8]
Na period prěd n. e. padajut pozajetja iz rěči prědstaviteljev iranskyh narodov jugo-iztočnoj Evropy. Na dobu od VII stolětja prihodet pozajetja iz rěči volžskyh bulgar; čislo tutyh pozajetij jest velmi veliko. Pričina pronikanja v marijsky jezyk takogo čisla volžsko-bulgarskih pozajetij jest v tom, že Marijcy podčas mnogyh věkov sut žili v uslovjah napetogo ekonomičnogo, političnogo i kulturnogo vlivanja volžskyh bolgar. Pozdnějšimi sut pozajetja iz tatarskogo i baškirskogo jezykov. Najpozdnějšimi sut pozajetja iz russkogo jezyka; črěz njego v marijsky jezyk prišlo mnogo medžunarodyh slov.[8]
Slovotvorjenje jest izbudovano na slovosloženju i sufiksaciji.[8]
Historija izučanja
Prve zapisy svezanogo teksta na marijskom jezyku pojavjajut se v XVII stolětju. Niderlandsky politik i kartograf Николас Витсен (Nicolaas Witsen)Nicolaas Witsen (Nikolas Vitsen) v svojej knigě «Sěverna i Iztočna Tartarija» (vtoro izdanje 1705 goda) poměstil tekst molitvy «Otče naš» na marijskom jezyku, zapisany podčas jego posěčenija Rosije v 1664—1667 godah.
.jpg)
Prva gramatika gorskogo narěčja — «Čeremisska gramatika» (Kazanj, 1837, bez imeni avtora). Prva gramatika lukovogo narěčja — «Sočinenija, prinadležaščie k gramatikě čeremisogo jezyka» (SPb, 1775, arhiepiskopa Veniamina Puceka-GrigorovičaВениамина Пуцека-Григоровича). V dalšem izučanje marijskogo jezyka se vedlo rosijskymi, finskymi i vugrskymi naučnikami. V sovětsko vrěme izučanjem marijskogo jezyka zajimali se prěvažno marijske naučniky.
V kulturě
V 2012 godu byl izpuščen rosijsky film «Nebesne ženy lučnyh marijev», polnostju snimany na marijskom jezyku.
Iztočniky
- ↑ Rantanen, Timo; Tolvanen, Harri; Roose, Meeli; Ylikoski, Jussi; Vesakoski, Outi (8 junija 2022). "Best practices for spatial language data harmonization, sharing and map creation—A case study of Uralic". PLOS ONE (na anglijskom). 17 (6): e0269648. Bibcode:2022PLoSO..1769648R. doi:10.1371/journal.pone.0269648.
- ↑ Rantanen, Timo, Vesakoski, Outi, Ylikoski, Jussi, & Tolvanen, Harri. (2021). Geographical database of the Uralic languages (v1.0) [Data set]. Zenodo. https://doi.org/10.5281/zenodo.4784188
- 1 2 3 "Всероссийская перепись населения 2010 года. Таблица 4". Bylo arhivovano iz iztočnika 26 mareca 2023. Data dostupa: 7 aprilja 2023.
- 1 2 "Marijske jezyky". Data dostupa: 1 januara 2024.
- ↑ "Закон Республики Марий Эл от 26 октября 1995 года № 290-III (ред. от 10.03.2011) «О языках в Республике Марий Эл»". Bylo arhivovano iz iztočnika 11 dekembra 2013.
- ↑ Смирнов, О.В. (2015). ""Марийская" гипотеза в исследовании топонимии Оки и Унжи и западные границы древнемарийской топонимии". Pytanja onomastiki (na russkom) (2(19)): 7–61.
- 1 2 "Алфавит марийский". Энциклопедия Республики Марий Эл. Joškar-Ola: Marijsky NII jezyka, literatury i historii. 2009. str. 222. ISBN 978-5-94950-049-1.
- 1 2 3 4 5 6 7 Коведяева, Е. И. (1966). "Марийскиe языки". Языки народов СССР (na russkom). III. Moskva: Nauka. str. 221–254.
- ↑ Saarinen, Sirkka (2022). "Mari". The Oxford Guide to the Uralic Languages. doi:10.1093/oso/9780198767664.003.0024.
Literatura
- Kovedjaeva, E. I. (1966). "Marijske jezyky". Jezyky narodov SSSR. M.: Nauka. str. 221–254.
- Alhoniemi, Alho (2010). Marin kielioppi. Helsinki: Suomalais-Ugrilainen Seura.
- Kangasmaa-Minn, Eeva (1998). "Mari". V Abondolo, Daniel Mario (red.). The Uralic Languages. Routledge.
- Tutoj članok imaje prěvod iz članka «Марийский язык» v Vikipediji na russkom (spis avtorov; dozvoljenje CC BY-SA 4.0).
- Tutoj članok imaje prěvod iz članka «Mari language» v Vikipediji na anglijskom (spis avtorov; dozvoljenje CC BY-SA 4.0).
