Wp/isv/Lěs

Nacionalny prirodny park Siněvir v Ukrajině

Lěs jest ekosistema, v ktoroj prěvladyvajučeju vegetacijeju sut drěva i kusty. Jest rastlinna asociacija, sostoječa iz širokogo spektra rastlin, vključajuča ne jedino drěva i kusty, ale takože travy, cvěty, i až organične osadky tutyh rastlin na zemje, take kak větvy ili opadše listy, ktore pomagajut plodnosti počvy. Tute rastlinny spoločnosti pokryvajut velike plošče Zemje i sut srěda obyvanja za životin, modulatory hidrologičnyh potokov i konservatory počvy, prědstavjajuči soboju jedin iz najvažnějših aspektov biosfery Zemje. Igrajut važnu rolju v globalnom cilku vugleroda.

Lěsa zajmajut okolo jednoj tretjej od vsej plošče suhoj zemje, jih plošča sostavjaje 38 milionov km². K početku XXI stolětja člověk izniščil okolo 50% lěsov, raněje jestvovavših na planetě.

Iztočniky

• Tutoj članok imaje prěvod iz članka «Bosque» v Vikipediji na španskom (spis avtorov; dozvoljeńje CC BY-SA 4.0).
• Tutoj članok imaje prěvod iz članka «Лес» v Vikipediji na russkom (spis avtorov; dozvoljeńje CC BY-SA 4.0).