Wp/isv/Kuba

Država
Kuba
República de Cuba (na španskom); Republik d' Kiba (na kreolskom); Respubliko de Kubo (na esperanto)
	Horugva
	Gerb
Obča informacija
Polna nazva	Republika Kuba
Himn	La Bayamesa; (narodny himn republiky);
Glavny i najbolši grad	Habana
Služebne jezyky	špansky
Členstvo	Karibska spoločnost
Državna forma	Jednopartijna unitarna republika
Statistika
Plošča	112,72 km² (62 město)
Naseljeńje	Ocěnka (2021): 11,707,102 ljudij; Spis (2012): 11,113,128 ljudij;
Valuta	Kubansko peso (CUP)
Časova zona	UTC-5 (CST); lětom: UTC-4 (CDT);
Kod ISO 3166	CU
	Kuba na kartě
	Koordinaty: 23°8′N 82°23′W / 23.133°N 82.383°W

Kuba jest ostrovnoju državoju v Karibskom morju. Država se skladaje iz velikogo ostrova Kuba, ostrova Isla de la Juventud (ostrova Mladěži), i mnogyh menših ostrovov. Habana jest glavnym gradom Kuby i največšim gradom. Po-špansku stolica nazyvaje se Cuidád de La Habana. Vtorym največšim gradom jest Santjago de Kuba. Kuba nahodi se pobliz Sjedinjenyh štatov, Meksika, Haiti, Jamaiky i Bahamov. Ljudi na Kubě se nazyvajut kubancy (cubanos na španskom). Služebnym jezykom jest špansky. Kuba jest največšim ostrovom Vest-Indije i vtorym najnaseljennym ostrovom (po Hispaniolě) v Vest-Indiji. Na Kubě jest těplo cěly god.

V lětu 1492, Hristofor Kolumb jest pristal na ostrovu Kuba. On jest proglasil jego za Špansko kraljevstvo. Kuba jest stala španskoju kolonijeju do Špansko-Amerikanskoj vojny 1898 lěta. V 1812 g. Hose Aponte vědl jest prvo kubansko povstanje protiv španskoj monarhije. Vslěd Špansko-Amerikanskoj vojny ona jest stala protektoratom Sjedinjenyh štatov. Dobyla si nezavisnost od SŠA v 1902 g.

V 1959-om partizany, vědene Fidelom Kastrom (Fidel Castro) i Če Gevaroju (Che Guevarra) skydnuli sut kubanskogo diktatora Fulgensija Batistu, čto bylo nazvano Kubanskoju revolucijeju. Sjedinjene štaty poddržali Kastro v 1958 g., kogda obstanovjili prodaž orudžja vladě Batisty.^[2] Na početku odnošenja medžu Kastro i vladoju prezidenta Dvajta Ajzenhauera (Dwight D. Eisenhower) Sjedinjenyh štatov byli dobrymi. Ale Kastro jest počel stvarjati odnošenja s Sovětskym sojuzom i nacionalizovati amerikanske biznesy i zemju, ktoroju sut vladali amerikancy, i potom v 1961 godu oficialno proglasil svoju vladu komunističskoju. Novy amerikansky prezident, Džon Kenedi (John F. Kennedy), prikazal jest vtrgnuti na Kubu. V planu bylo ovladanje državoju i svrženje komunističskoj vlady. Napad ne jest uspěl. V 1965 godu byla stvorjena Komunističska partija Kuby (KPK), ktora vladaje Kuboju od toj doby. Tutdenj Kuba ostavaje se jedinoju komunističskoju (socialističskoju) državoju na Karibah i v zapadnoj polusferě.

Linky i referencije

↑ "National symbols". Government of Cuba. Bylo arhivovano iz iztočnika 15 januara 2016. Data dostupa: 7 septembra 2009.
↑ Wiskari, Werner (3 aprilja 1958). "U.S. Embargo Set on Arms to Cuba; Shipment Halted". The New York Times. Data dostupa: 8 februara 2017 – via latinamericanstudies.org.

Vnešnje linky

Tuty članok sodrživaje prěklad iz članka «Cuba» v Vikipediji na prostom anglijskom (spis avtorov; dozvoljeńje CC BY-SA 4.0).'

**Državy v Sěvernoj Amerikě** Collapse[pogled | besěda | izměniti]
Suverenne državy	Antigua i Barbuda Bahamy Barbados Beliz Dominika Dominikanska republika El-Salvador Grenada Gvatemala Haiti Honduras Jamajka Kanada Kosta-Rika Kuba Meksiko Nikaragua Panama Sent-Kits i Nevis Sent-Ljusija Sent-Vinsent i Grenadiny Sjedinjene štaty Ameriky Trinidad i Tobago
Zavisne državy i ozemje	Grenlandija Ostrov Kliperton Sen-Bartelemi Sen-Martin Sen-Pjer i Mikelon Aruba Kjurasao Sint-Marten Angvila Bermuda Britanske Děvičje Ostrovy Kajmanove ostrovy Monserat Ostrovy Tjurks i Kajkos Porto-Riko Amerikanske Děvičje Ostrovy

[1] "National symbols". Government of Cuba. Bylo arhivovano iz iztočnika 15 januara 2016. Data dostupa: 7 septembra 2009.

[2] Wiskari, Werner (3 aprilja 1958). "U.S. Embargo Set on Arms to Cuba; Shipment Halted". The New York Times. Data dostupa: 8 februara 2017 – via latinamericanstudies.org.

[1]

[2]