Wp/isv/Komi-jazvinsky jezyk
| Ёдз коми көл | |
 | |
| Obča informacija | |
|---|---|
| Ozemja | Permsky kraj (Rosija) |
| Govoritelji | několiko sot (2020)[1] |
| Pismo | Kirilica |
| Jezyčna rodina | |
| |
| Jezyčne kody | |
| ISO 639-3 | |
Komi-jazvinsky jezyk (ёдз коми көл) jest jezyk govorjeny v sěverovozhodnoj česti Permskogo kraja, glavno v Krasnovišerskom rajonu v basenu rěky Jazva. On naleži k permskoj grupy ugrofinskoj větvy uralskoj jezyčnoj rodiny i jest jedin iz variantov mnogocentričnogo jezyka komi. Zavisno od točky zrěnja, on jest uvažany narěčjem komi-permjačskogo jezyka ili jednym iz treh komijskyh jezykov. Odličaje se od ostalyh narěčij akcentovanjem i unikalnymi samoglaskami (ӱ [ʉ], ӧ [ɵ] i ө [ɤ]).
Na početku 1990-yh lět čislo govoriteljev bylo okolo 2 tys., v 2007 g. toliko několiko sot, pravdopodobno samyh starějših ljudij.[1] Komi-jazvinsky jezyk ne imaje oficialny status i črěz dolgy čas byl jedino govorjeny, a ne pisany. V 2003 g. pri poddržkě vlady onogdašnjej Permskoj oblasti byla izdana prva kniga na komi-jazvinskom jezyku, imenno bukvar, ktorogo avtor byla učiteljka srědnjej školy, Anna Lazarevna Paršakova.[2] Několiko lět pozdněje, ona takože publikovala čitateljnik na tom jezyku.[3]
Alfabet
[edit | edit source]Komi-jazvinsky jezyk piše se variantom kirilice, ktory odličaje se od komi-zyrjanskogo i komi-permjačskogo alfabetov. On bazuje se na russkoj azbukě, s dodatočnymi bukvami ӧ, ө, ӱ i dvuznakami дж i дч.
| А а | Б б | В в | Г г | Д д | Е е | Ё ё | Ж ж | З з |
| И и | Й й | К к | Л л | М м | Н н | О о | Ө ө | Ӧ ӧ |
| П п | Р р | С с | Т т | У у | Ӱ ӱ | Ф ф | Х х | Ц ц |
| Ч ч | Ш ш | Щ щ | Ъ ъ | Ы ы | Ь ь | Э э | Ю ю | Я я |
Literatura
[edit | edit source]- Баталова Р. М. (1993). "Коми-пермяцкий язык". Языки мира: Уральские языки. Москва: Наука. ISBN 5-02-011069-8.
- Кельмаков, В. К. (2004). "Опыт создания письменности для коми-язьвинцев (рецензия)". Linguistica Uralica (na russkom) (2 izd.). XL: 135–147.
- Лобанова, А. С.; Кичигина, К. С. (2012). Русско—коми-язьвинский словарь. Пермь: Пермский государственный гуманитарно-педагогический университет.
Iztočniky
[edit | edit source]- 1 2 Moseley, Christopher, red. (2007). "Encyclopedia of the world's endangered languages" (na anglijskom). London, New York: Routledge. str. 264. ISBN 0-203-64565-0.
- ↑ Паршакова, А.Л. (2003). Коми-язьвинский букварь (na russkom). Пермь.
- ↑ Паршакова, А.Л. (2008). Лөддьөтан книга — книга для чтения. Пермь.