Wp/isv/Kingdom Come: Deliverance

Kingdom Come: Deliverance (kraljevstvo prijde: uvaljnjanje) je kompjuterna igra v žanru action/RPG od prvogo ličese s otvorjenym světom, byla izrabotana češskym studiom Warhorse Studios i izpuščena firmoju Deep Silver za platform PlayStation 4, Xbox One i Microsoft Windows v 2018 roku. Osoblivostju igry je akcent na historičnu pravdivost: v igrě je detaljno reproduktovano oblěčenje, oruženje, arhitektura i spoločny ustroj srědnjevěčnoj Bohemije.

Čin igry děje se v kraljevstvu Bohemija v 1403 roku na podkladu konflikta medžu kraljem Vaclavom IV i jego bratom Sigizmundom. V početku igry polovečsky najemniki Sigizmunda razorjajut gornečsko oseljenje Srěbrna Skalica. Glavny heroj Jindřich, syn kovača, gubi roditeljev pri naletu i postupa na službu k panu Radcigu Kobylě, rukovodeči odpor protiv Sigizmunda. V probě odmstiti ubijcam roditeljev Jindřich se okazyvaje vtegnuty v zagovor s metoju dobyti ponovno na tron legitimnogo kralja Vaclava IV. Ako igra s otvorjennym světom, Kingdom Come: Deliverance pozvaljaje igraču svobodno putovati po dostupnoj jemu krajině srednjevěčnoj Čehije, samostojno nahodeči zajmlive města i poručenja.