Wp/isv/Indonezija
 | |
 | |
| Obča informacija | |
|---|---|
| Polna nazva | indon.: Negara Kesatuan Republik Indonesia Unitarna Država Republika Indonezija |
| Himn | Indonesia Raya "Velika Indonezija" |
| Glavny i najbolši grad | Džakarta |
| Služebne jezyky | Indonezijsky (narodny i služebny jezyk) |
| Državna forma | Unitarna prezidentska konstitucijna republika |
| Statistika | |
| Plošča | 1 904 569 km² (15 město) |
| Naseljeńje |
|
| Valuta | rupiah (IDR) |
| Časova zona |
|
 Indonezija na kartě | |
| Koordinaty: 6°10.5′S 106°49.7′E / 6.1750°S 106.8283°E | |
Indonezija, služebno Republika Indonezije, takože indon.: Negara Kesatuan Republik Indonesia (Unitarna Država Republika Indonezija); indon.: Republik Indonesia; indon.: Nusantara jest država v Jugoizhodnoj Aziji i Okeaniji. Ona jest največšeju državoju-arhipelagom na světu, Indonezija imaje 17,504 ostrovov. Najvažne ostrovy Indonezije sut Java, Bali, Kalimantan, Sulawesi, i Sumatra. Glavnym gradom Indonezije jest Džakarta, na ostrovu Java, ale sut plany prěměščenja glavnogo grada v Nusantaru.[2] Sučasnym prezidentom jest Prabowo Subianto. Moderna Indonezija načinaje historiju od 17 avgusta 1945 g. V 10 časin togo petočnogo jutra, Sukarno i Hatta sut izčitali Deklaraciju nezavisnosti Indonezije. Denj nezavisnosti Indonezije jest narodnym svetkom.
Indonezija jest četvrta iz najnaseljenyh držav světa i imaje 237,424,363 (spis 2011 g.)[1] Polovina naseljenja žive na Javě, kde sut 111 ljudij na km². Imaje povrhnju 1 904 000 km², čto jest nemnogo menje, než Meksiko. Služebnym jezykom Indonezije jest indonezijsky (indon.: Bahasa Indonesia), ale v različnyh čestah Indonezije govoret na 749 domorodnyh jezykah, i domorodne jezyky sut široko koristane v Indoneziji, vključno javansky, balijsky i sundansky. Indonezija susědstvuje s Avstralijeju na jugu, Singapurom na sěverozapadu i Filipinami na sěveroizhodu. Druge blizke krajiny sut Papua Nova Gvineja, Malajzija i Iztočny Timor, ktore imajut s Indonezijeju pozemne granice.
Indonezija imaje največe aktivnyh vulkanov od vsih krajin světa. Ona nahodi se poblizu geologičnogo razloma i zato imaje mnogo zemjetresenij i cunami.
Večšinstvo ljudij v Indoneziji slědujut Islamu, ale suglasno zakonam, Indonezija ne jest islamskoju državoju. Indonezija imaje najvysšu velikost muslimanskogo naseljenja na Zemji. Druge religije, ktorym slědujut indonezijci, vključajut Hristijanstvo (protestantizm i katolicizm), hinduizm, budizm i konfucianstvo.
Linky i referencije
[edit | edit source]- 1 2 "Indonesia". International Monetary Fund. Data dostupa: 26 oktobra 2011.
- ↑ "Indonesia names new capital Nusantara, replacing sinking Jakarta". The Guardian (na anglijskom). 17 januara 2022. Data dostupa: 17 januara 2022.
Vněšnje linky
[edit | edit source]- Tutoj članok sodrživaje prěklad iz članka «Indonesia» v Vikipediji na prostom anglijskom (spis avtorov; dozvoljeńje CC BY-SA 4.0).
