Jump to content

Wp/isv/INSTEAD

From Wikimedia Incubator
< Wp | isv
Wp > isv > INSTEAD
INSTEAD
Obča informacija
AvtorPetr Kosyh
Jezyk programovanjaC - kod engina,
Lua - kod igr
InterfejsSimple DirectMedia Layer
Operacijne sistemyLinux, Windows, MacOS, iOS, Android, FreeBSD, OpenBSD, Haiku
Jezyky interfejsaRussky, ukrajinsky, češsky i dr.
Publikacija
Prvo puščanje20 fevruara 2009
Poslědna versija3.5.2 (1 septembra 2024)
Dodatočna informacija
LicencijaGNU GPL, MIT — izhodny kod,
Creative Commons — komponenty
Repozitorijhttps://github.com/instead-hub/instead
Sajthttps://instead.hugeping.ru/
http://instead-hub.github.io/

INSTEAD (ang.: IN — INterpreter + STEAD — Simple TExt ADventure) jest programa-interpretator za tekstografične adventurne igry. Jest platform za igry, ktore sut směs vizualnoj novelly i tekstovogo kvesta.[1]

Igranje

Osnovno upravjenje v igrah čini se s pomočju klaviatury ili myši, a na smartfonu s pomočju tapov po ekranu. Imaje se možnost upotrebiti gejmpad.[2]

Klasična INSTEAD-igra imaje oblast inventara (horizontalnu ili vertikalnu) i osnovnu oblast sodržanja teksta. V osnovnoj oblasti v tekstu mogut byti linky, pri klikanju na ktore javjaje se někaky opis ili dějanje.

S pomočju modula METAPARSER možlivo je vvodženje, črěz posylanje komand od klaviatury, prikazov na ktore jest nekaka reakcija.

S pomočju modula Proxymenu možliva je igra s pomočju izbiranja objektov jedino po stavjenym reakcijam ("vzeti", "idti", "lizati").

Historija

Prva publična versija INSTEAD 0.7.4 byla publikovana za operacijnu sistemu Linux 20 fevruara 2009 leta.[3]

22 fevruara 2010 leta javil se modul, ktory dozvolil puščati URQ-igry od versije INSTEAD 1.1.3.

V 2011 letu igra "Osobnjak" (rus.: "Особняк"), avtor ktoroj je Petr Kosyh, dobyla Nagradu za dosegnenja vo interaktivnoj literaturě-kniževnosti na russkom jezyku "Zolotoj Homjak" (rus.: "Золотой хомяк" — "Zlaty hrček/homjak") vo nominacije "Lučšie zagadki" (rus.: "Лучшие загадки" — Najlěpše zagadky).[4]

Po stanju 31 julija 2012 leta jedino v oficialnom repozitoriju INSTEAD sut bolje polusto igr.

Po stanju 17 julija 2018 leta sekcije repozitorija "oficialny" i "neoficialny" sut byli oproščeny. Jestvuje jedin repozitorij igr.[5]

8 marca 2019 leta puščeny byl INSTEAD 3.3.0 ktory mogl byti dodany kako bot za VK, Telegram i Discord.[6]

31 avgusta 2021 leta byl puščeny INSTEAD 3.4.0 ktory dobyl podporu-poddržku adaptovanyh tem (ang.: themes).[7]

27 avgusta 2022 leta byl puščeny INSTEAD 3.5.0 ktory prěšel do SDL 2.0 (podpora SDL 1.0 prěstana), dobyl dokumentaciju za včlenjenje vo svoje projekty, izčrknuty byl kod za S60, MAEMO i WinCE.[8]

Osoblivosti, črty

  • Igry pišemy jezykom Lua, za ktory dostatno bazovyh znanjev. Je dokumentacija na russkom i anglijskom jezyku.[9]
  • Imaje možnost puščati URQ-igry.[10]
  • Imaje možnost dodavati moduly (o stvorjenje modulov pisano v dokumentacije).[11]
  • Imaje možnost puščati kvesty iz igr Kosmične rejndžery i Kosmične rejndžery 2: Dominatory, takože ine kvesty, ktore sut pisany s pomočju redaktora TGE za КР i КР2.[12]
  • Imaje CLI (terminalnu) versiju za puščanje vo terminalu za razrabotnikov (programistov).[13]
  • Imaje minimalističnu versiju engina RE:Instead, koja naznačena za parserne igry i imaje poddržku, kromě drugyh platform, na Plan9.[14]
  • Takože se imaje versija za slabogledajučih ljudij - PlainStead.[15]

Kromě togo sut igry, ktore ne sut cělo tekstove, napriklad "Pasians Instead",[16] "Code-10" (taktična igra),[17] "Lode Runner" (platformer),[18] "Miner Bold",[19] "Escape of the cat".[20]

Puščenje igr

Puščati mnoge igry je možno on-lajn ili dostati arhiv igry i puščati s pomočju INSTEAD kako na PC tako i na Android. Kromě togo, možno je staviti/puščati igry s pomočju launčera Insteadman.[21]

Ekranove snimky

Takože podgledajte

Iztočniky

  1. ↑ "YouTube - INSTEAD - Svobodnaja interaktivnaja literatura #1".
  2. ↑ "INSTEAD reliz 3.5.1, koj imaje možnost koristati gejmpady". Bylo arhivovano iz iztočnika 2 septembra 2023.
  3. ↑ "Novina o puščanje prvoj publičnoj versije INSTEAD". linux.org.ru. Bylo arhivovano iz iztočnika 4 mareca 2016. Data dostupa: 22 dekembra 2022.
  4. ↑ "Zolotoj Homjak 2011". zh.ifiction.ru. Bylo arhivovano iz iztočnika 31 maja 2016. Data dostupa: 15 aprilja 2015.
  5. ↑ "Репозиториj игр INSTEAD".
  6. ↑ "INSTEAD 3.3.0". instead.hugeping.ru. Bylo arhivovano iz iztočnika 19 maja 2019. Data dostupa: 30 dekembra 2022.
  7. ↑ "INSTEAD 3.4.0". instead.hugeping.ru. Bylo arhivovano iz iztočnika 4 avgusta 2022. Data dostupa: 30 dekembra 2022.
  8. ↑ "INSTEAD 3.5.0". instead.hugeping.ru. Bylo arhivovano iz iztočnika 30 dekembra 2022. Data dostupa: 30 dekembra 2022.
  9. ↑ "Github - dokumentacije russkym i anglijskym jezykom".
  10. ↑ "URQ-modul za možnost igrati URQ-igry". Bylo arhivovano iz iztočnika 19 aprilja 2017.
  11. ↑ "Oficialne moduly za stead3".
  12. ↑ "Kosmične rejndžery v INSTEAD".
  13. ↑ "GitHub repozitorij na INSTEAD-cli".
  14. ↑ "GitHub repozitorij na reinstead".
  15. ↑ "GitHub repozitorij PlainStead, koj naznačeny za slabogledajučih ljudij".
  16. ↑ "Pasians Instead".
  17. ↑ "Code-10 - taktična igra".
  18. ↑ "Lode Runner na Instead".
  19. ↑ "Miner Bold na Instead".
  20. ↑ "Escape of the cat - 2D arkada na Instead".
  21. ↑ "Kak skačatj i zapustitj igru". instead-hub.github.io. Bylo arhivovano iz iztočnika 6 junija 2018. Data dostupa: 23 junija 2018.

Vněšnje linky

Retrieved from "https://incubator.wikimedia.org/w/index.php?title=Wp/isv/INSTEAD&oldid=7220562"