Wp/isv/Gora

Gora jest vozvyšena čest zemnoj kory, ktora, kako pravilo, imaje strjome strany, na ktoryh značiteljno izjavjeno skalno podložje. Ne jestvuje prijeta definicija za termin gora, ale generalno to jest topografična figura zemnogo reliefa, harakterizujuča se svojeju odnosnoju vysotoju, objemom, a takože imajuča vidny vrh. Obyčno goroju mněvajut vozvyšenost vyše 300 metrov nad okružajučeju teritorijeju. Něktore gory sut izolovane vrhy (tako nazyvajeme inselbergy ili monadnoky), ale večinstvo sut čest gornyh lancuhov.

Gory formujut se pod vlivom tektoničnyh sil, erozije ili vulkanizma, ktore dějut na proteženju časa, dostigajučego desetkov milionov lět. Poslě togo, kak goroobrazovanje ustavaje, gory pomalu izravnjajut se pod dějstvom pogody, obvalov, erozije, porodženoju rěkami i lednikami.

Najvysša gora na Zemje jest Everest v Himalajah, jej vrh imaje vysotu 8,850 metrov nad uravnjem morja. Najvysša gora na libokakoj planetě solnečnoj sistemy jest Olimp na planetě Mars, imajuča vysotu 21,171 metr. Najvysša gora vključajuči podvodnu vysotu jest Mauna Kea na Havajah, ktora imaje vysotu 9,330 metrov, ale jedino 4,207 metrov nahodet se nad vodoju.

Iztočniky

Tutoj članok imaje prěvod iz članka «Mountain» v Vikipediji na anglijskom (spis avtorov; dozvoljenje CC BY-SA 4.0).