Dobrodošli v Vikipediju, svobodnu enciklopediju, ktoru vsekto može tvoriti.

Tutčas ona imaje 2,641 člankov na medžuslovjanskom jezyku.

Kako koristati tutu viki?

Članok s zvězdoju

Ukrajinska azbuka (абетка, збука, алфавіт ili альфабет) jest oficialno pismo koristajemo za pisanje ukrajinskogo jezyka, služebnogo jezyka Ukrajiny. Ona jest jedna iz različnyh narodnyh variantov Kirilice i proizhodi od staroslovjanskoj kirilice, stvorjenoj v 9. stolětju za prvy kniževny slovjansky jezyk, starocrkovnoslovjansky. Od 10. stolětja kirilica byla koristana v Kyjevskoj Rusi za pisanje starovozhodnoslovjanskogo jezyka, iz ktorogo pozdněje razvili se russky, bělorussky, ukrajinsky i rusinsky jezyky i jih azbuky.

Prěd 20. stolětju ukrajinsky jezyk ješče ne iměl standardny pravopis: v lětah od 1798 do 1905 byli prědložene skoro 50 pravopisne sistemy. Toliko v 1928 došlo k prvomu objedinjenomu ukrajinskomu pravopisu (skrypnykivka). Sučasna ukrajinska azbuka imaje vsego 33 bukvy: 21 suglasky, 1 polusamoglasku, 10 samoglasky i 1 mekky znak. Poněkogda takože vključaje se apostrof (’), ktory imaje fonetično značenje, ale ačekoli pisanje jego jest obvezno, on ne uvažaje se bukvoju i ne jest vključeny v azbuku – v protivnosti k russkomu tvrdomu znaku ъ, ktory izpolnjaje podobnu funkciju.

(Čitati dalje...)

Čto jest medžuslovjansky?

[pogled]

Medžuslovjansky jest slovjansky zonalny pomočny jezyk, skonstruovany na osnově občeslovjanskyh gramatičnyh i leksičnyh elementov, ktory služi komunikaciji medžu slovjanami raznyh narodnostij. Dlja neslovjanov medžuslovjansky može takože polniti edukacijnu funkciju. Jezyk jest zakorenjeny i v staroslovjanskom jezyku i v različnyh improvizovanyh narěčjah, ktorymi ljudi v srědiščah s raznorodnym slovjanskym naseljenjem posluživali se črěz stolětja.

Čitati opis v Vikipediji:

Učestvujte!

[pogled]

Vikipedija jest medžunarodna internet-enciklopedija, ktora sili se dati svobodno koristajeme, objektivne i prověrime informacije na vsih uznanyh jezykah. Projekt jest osnovany na peti glavnyh principah. Tuto jest izdanje na medžuslovjanskom jezyku. Prva versija projekta byla započeta 18 junija 2007 goda, 19 lět tomu nazad, po prikladu Vikipedije. Od 8 maja 2024 ona nahodi se v Inkubatoru, kde učestniki novyh vikiprojektov mogut dokazati, že jihny projekt jest sposobny za vlastny projekt, v tutom slučaju: medžuslovjansku vikipediju.

Vsekto može učestvovati i pomagati tvoriti vikipediju. Vy možete legko iztvoriti novy članok, razširjati jestvujuče članky ili izpravjati pogrěšky. Za pravjenje viki ne trěba izkusno vladati medžuslovjanskym; drugi koristniki ohotno budut popraviti vaše pogrěšky. Tekst člankov možno jest čitati i pisati i latiniceju, i kiriliceju.

Poněktore města za ulěpšenje medžuslovjanskoj vikipedije:

Novyh koristnikov viki mogut zainteresovati stranice pomoči, ktore izlagajut o dvoh sposobah izměnjanja viki. Da by izměnjati stranice i skryti IP-adres, trěba iztvoriti konto. Vy možete eksperimentovati v pěskovišču.

Ako vy imajete kakekoli pytanja, problemy, primětky ili prědloženja, postavite jih v krčmě občiny, na našem Diskord-serveru ili v Telegram-čatu.

This is a test wiki written in Interslavic, an auxiliary language intended to be intelligible to speakers of any Slavic language. We hope that this wiki will soon serve as a basis for a real Wikipedia edition in Interslavic. If you don't know Interslavic, you still can help: learn simplified Interslavic (slovianto), create an account, and start contributing here.