Wp/isv/Demon sědeči
 | |
|---|---|
| Artist | Mihail Vrubělj |
| Rok | 1890 |
| Sposob | Olej na platnu |
| Nahodi se v | Tretjakovskoj galeriji v Moskvě |
| Razměr | 114 cm × 211 cm |
«Demon sědeči» (1890) — je maljevanok russkogo maljara Mihaila Vrubělja. Eksponuje se v Državnoj Tretjakovskoj galeriji v Moskvě.
Opisanje
Tema maljevanka jest inspirovana poemoju Mihaila Lermontova «Demon»:
Vrubělj pisal o svojej tvorběː Demon — duh ne natoliko zlobny, koliko stradjuči i skrbny, pri tom duh vlastny, vely.[1]
Demon jest obraz zaměšanogo duha, vnutrnoj borby, sumněnij. Tragično skovavši ruky, Demon sědi so smutnymi, gledajučimi v dalj ogromnymi očami, v okruženju divnyh cvětov. Fonom maljevanka jest gorna městnost v črvenom zahodu solnca. Maljevanok jest izdělany v individualnom stilu Vrubělja s efektom kristaličnyh bokov, čto dělaje jego maljevanky veče podobnymi na vitraži ili pano. Lice svojego Demona Vrubelj obdaril ženskymi črtami.
Kratka čest iz poemy na russkom jezykuː
Печальный Демон, дух изгнанья,
Летал над грешною землей,
И лучших дней воспоминанья
Пред ним теснилися толпой…
И над вершинами Кавказа
Изгнанник рая пролетал:
Под ним Казбек, как грань алмаза,
Снегами вечными сиял
Prěvod na medžuslovjanskyː
Smutny Demon, duh izgnanja,
Lětal nad grěšnoju zemjeju,
I lěpših dnjev vozpominanja
Prěd njim těsnili se tolpoju...
I nad vršinami Kavkaza
Izgnanec raja prolětal:
Pod njim Kazběk, kak bok almaza,
Sněgami věčnymi blěskal
Spis literatury
- ↑ Рыжов К. В. 100 великих россиян. Архивная копия от 15 июня 2021 на Wayback Machine—М.:Вече, 2000
Vněšnje linky
- Tutoj članok imaje prěvod iz članka «Демон сидящий» v Vikipediji na russkom (spis avtorov; dozvoljenje CC BY-SA 4.0).