Wp/isv/Džon Mejnard Kejns
| Vysokodostojny Lord Kejns | |
|---|---|
.jpg) Kejns v 1929 godu | |
| Biografija | |
| Rodil se: | 5 junija 1883 roka Kembridž, Anglija |
| Umrl: | 21 aprilja 1946 roka (62 goda) Tilton, Anglija |
| Žena: | Lidija Lopokova |
| Partija: | Liberalna |
| Akademična dějatelnost | |
| Obrazovanje: | King's College, Kembridž (BA) |
| Oblast: | Political economy, Probability |
| Škola: | Kejnsianska ekonomika |
| Glavny vklad | |
| |
| Podpis | |
 | |
Džon Mejnard Kejns, Prvy Baron Kejns (ang.: John Maynard Keynes; 5 junija 1883 goda - 21 aprilja 1946 goda) byl anglijskym ekonomistom i filozofom, ideje ktorogo fundamentalno izměnili teoriju i praktiku mikroekonomiky i ekonomičnu politiku vlad. Prvopočetkovo polučivši matematično obrazovanje, on razvil i silno rafinoval ranne trudy o pričinah trgovyh ciklov. On je jedin iz najvyše vlivateljnyh ekonomistov 20-go stolětja, napisal tvorby, ktore založili osnovu školy myslji, znanoj kako kejnsianska ekonomika. Jegove ideje, prěformulovane kako Novo Kejnsianstvo, sut osnovopoložne za modernu makroekonomiku. Zato jego imenujut "otcem makroekonomiky".
V periodu Velikoj depresiji 1930-tyh godov Kejns stal iniciatorom revolucije v ekonomičnoj myslji, kydnuvši izzov idejam neoklasičnoj ekonomičnoj teorije, suglasno ktorym svobodne trgy v kratkoterminovoj i srědnjeterminovoj perspektivě avtomatično zabezpečet polnu zajetost, ako li pracovniki budut gybkymi v svojih trěbovanjah k zaplatě. On utvrdžal, že agregatny popyt oprěděljaje cělkovity uravenj ekonomičnoj aktivnosti, i že neadekvatny agregatny popyt može privesti k dolgym periodam vysokoj bezrabotnosti. Kejns proponoval koristanje fiskalnoj i groševoj politiky za smekčenje negativnyh poslědstv ekonomičnyh spadov i depresij. On podrobno izložil svoje ideje v svojem najvyše značimom dělu "Generalna teorija zajetosti, procenta i grošev" v 1936 godu.
Iztočniky
Tuty članok imaje prěvod iz članka «John Maynard Keynes» na anglijskom (spis avtorov; dozvoljeńje CC BY-SA 4.0).