Wp/isv/Bahai
Bahai (far.: دین بهائی) jest monoteistična religija, ktoru v 19. stolětju v Persiji osnoval Bahaulla. Ona ktora podčrkaje duhovno jedinstvo ljudstva. Kolikost věrečih na cělom světu ocěnjaje se na okolo 7 milionov, razprostranjenyh po večinstvu držav i regionov světa.
Bahaiske učenja podčrkajut podležeče jedinstvo velikyh religij světa. Religiozna historija vidi se kako razkryvanje pravdy s pomočju několikyh božskyh poslancev, zvanyh «Božjimi projavjenjami», vsaky iz ktoryh osnoval věrozakon prisposobjeny do potrěb svojej ery i razumnoj sposobnosti onogašnjih ljudij. Srěd tyh poslancev najbolje znajemi sut Abraham, Krišna, Buda, Isus i Muhamad. Za bahajskyh věrečih Bahaula jest poslědnji i najvažnějši poslanec; oni věret, že vsaky poslanec govoril o slědujučem poslancu, i že Bahaullino učenje, s jegovom žitjem kako dokaz, izpolnjaje eshatologične oběčenja prědhodnyh věrozakonov. Po jihnomu mněnju ljudstvo učestvuje v postojannom, postupnom i neobhodimom procesu k suglasju, spravědlivosti i jedinstva na vsesvětskoj skalě.
- Tutoj članok imaje prěvod iz članka «Bahai» v Vikipediji na niderlandskom (spis avtorov; dozvoljeńje CC BY-SA 4.0).