Wp/isv/Anatomija
Anatomija jest izslědovanje strojenja těl ljudij i drugyh organizmov. Anatomija jest izslědovanje těla vnutri i vněšno, ona opisyvaje razpoloženje i strukturu organov, kako sut myšce, žlězy i kosti. Osoba, ktora izučaje anatomiju, jest anatom.
Historija anatomije načinaje se od 1600 goda prěd n.e., kogda egipčani sut načeli izučati anatomiju člověka. Oni sut odkryli funkcije mnogyh organov kako pečenj, slězena, nyrky, srdce i t.d., i sut byli prvi, kto sut odkryli strukturu i funkciju limfatičnoj sistemy.
Podčas dolgyh periodov razčlenjenje umrělyh ljudij bylo vozbranjenym, i prihodženje pravilnyh idej ob anatomije člověka jest zabralo mnogo času.[1][2]
Akademičski lektori anatomije člověka obyčajno rabotajut v universitetah, medicinskyh učiliščah i universitetskyh boljnicah, oni učet studentov i provodet izslědovanja.[3] Topografična anatomija izučaje česti těla, ktore sut dost velike da by jih bylo vidno, mikroanatomija (ili histologija) izučaje menše česti.[4]
Sistemy organov
[edit | edit source]Jestvujut različne sistemy organov, kako sut srdečnososudna sistema, ktora obračaje krov črěz tělo i jest čestju večšej cirkulacijnoj sistemy, muskulna sistema (sistema, ktora sodrživaje myšce) i skelet (kosti), nervna sistema (sistema, vladajuči nervami i mozgom).
Anatomija, fiziologija i biohemija sut glavnymi osnovnymi lěkarskymi naukami.
Svezane stranice
[edit | edit source]Linky i referencije
[edit | edit source]- ↑ Singer, Charles 1925. The evolution of anatomy: a short history of anatomical and physiological discovery to Harvey. London:Kegan Paul. Trench, Trubner & Co.
- ↑ Choulant, Ludwig 1945. History & bibliography of anatomical illustration. NY: Hafner.
- ↑ Cortese, K; Frascio, M (2021). "New settings in Anatomy and Surgery Teaching During the Covid-19 Pandemic". Anat Sci Educ. 14 (4): 430–431. doi:10.1002/ase.2077. PMID 33773083.
- ↑ "Microanatomy". The Free Dictionary.
Vněšnje linky
[edit | edit source]- Tutoj članok sodrživaje prěklad iz članka «Anatomy» v Vikipediji na prostom anglijskom (spis avtorov; dozvoljeńje CC BY-SA 4.0).
