Wp/isv/Agape
Agape (s.-greč. ἀγάπη) jest «vyšnoju formoju ljubvi, milosrdja» i «ljubovju Boga [do ljudij] i [ljudij] do Boga».[1] To čuvstvo jest odlično od filije, bratskoj ljubvi, i filavtije, ljubvi do sebe, pokoliku sodrživaje v sobě silnu žrtvenu ljubov, odolěvajuča vse ogradženja i shranjaje se nezavisno od uslovij.
Glagolny vid tutogo slova strěčaje se ješče u Homera i doslovno prěkladaje se kako «privezanost», napriklad «privitati s něžnostju» abo «projavjati něžnost do mrtvogo».[1] Drugi antični avtori sut koristali tuto slovo za označenje ljubvi do supruga abo rodiny, a takože privezanosti do někakogo zajetja, odlično od erosa (privezanost seksualnogo haraktera).
V Novom Zavětu agape jest ljubovju Boga do ljudij, izrěčena v zavětu, a takože vzajemna ljubov ljudij do Boga; tutoj termin obvezno označaje ljubov do bližnjego.[1] Něktori moderni avtori pokušali se razprostranjati koristanje termina «agape» na nereligiozne konteksty.
Termin «agape» široko izučaje se v hristijanskom kontekstu[2]. Ono takože razgledaje se v kontekstu drugyh religij[3], religioznoj etiky[4] i nauky.
Rannje upotrěbjenje
V «Leksikonu Liddella–Scotta–JonesaЛидделла-Скотта-Джонса» (LSJ) privodi se množstvo prikladov upotrěbjenja slova «agape» v politeističnoj grečskoj literaturě. Uděljajut se tri osnovne značenja: 1) «privitati s ljubovju», 2) «ljubiti, cěniti, želati» i 3) «byti zadovoljenym». Kromě togo, v leksikonu Bauera spominaje se nagrobny nadpis, ktory, věrojetno, je posvečeny oficeru politeističnoj armije, posluživajučemu se «velikym považenjem» u svojej krajiny[5].
Žrla
- 1 2 3 Liddell, Henry George; Scott, Robert (1901). "ἀγάπη". A Greek-English Lexicon. Oxford: Clarendon Press. str. 6.
- ↑ Nygren, Anders (1953) [1938–39], Eros and Agape, prěvod Watson, P.S., Harper & Row
- ↑ Templeton, John (1999). Agape Love: Tradition In Eight World Religions. Templeton Foundation Press. ISBN 978-1-890151-29-4.
- ↑ Grant, Colin (1996). "For the Love of God: Agape". Journal of Religious Ethics. 4 (10): 3–21. JSTOR 40016679.
- ↑ Danker, Frederick William (2001). A Greek-English Lexicon of the New Testament and Other Early Christian Literature. University of Chicago Press.
Vněšnje linky
- Tutoj članok imaje prěvod iz članka «Agape» v Vikipediji na anglijskom (spis avtorov; dozvoljenje CC BY-SA 4.0).
