Wp/isv/Ԍ

Bukva Ԍ v nazvě gazety ВӦРЛЕԆЫԌ «Lěsny rabotnik» (v sučasnom pravopisu: ВÖРЛЭДЗЫСЬ).

Ԍ, ԍ (Komi sje) jest kirilična bukva. Ona jest dvadeset šesta bukva molodcovskogo alfabeta, ktory jezykoznavec Vasilij Molodcov sostavil za komi jezyk i služil kako služebny pravopis komi-zyrjanskogo i komi-permjačskogo jezykov v lětah 1918–1932 i 1936–1938.

Pomimo podobnogo izgleda ona ne imaje nikaku svez s latinskoju bukvoju G. V istinnosti ona izvodi se od kiriličnoj bukvy С i funkcionuje kako jejin mekky ekvivalent: bezzvučny alveolopalatalny sibilant [ɕ]. V molodcovskom alfabetu vse mekke suglasky sut označene hvostom: Ԅ, Ԉ i t.d.

V lětah 1932–1936 bukva Ԍ byla zaměnjena na latinsku bukvu Ş. V sučasnom alfabetu tuta suglaska piše se bukvoju С/с prěd ь, е, ё, и, ю ili я.

Bukva Ԍ/ԍ nikogda ne koristala se v nijednom drugom jezyku neželi komi. Druge kirilične bukvy označajuče glasku [ɕ] sut, kromě dvuznaka сь:

• С́, upotrěbjajema v črnogorskom
• Ҫ, upotrěbjena v čuvašskom (v baškirskom označaje zvuk [θ])

Kodovanje

Kodovanje		Ԍ	ԍ
Nazva v Unikodu		CYRILLIC CAPITAL LETTER KOMI SJE	CYRILLIC SMALL LETTER KOMI SJE
Unikod	šestnadseterična sistema	U+050C	U+050D
	deseterična sistema	1292	1293
HTML	šestnadseterična sistema	Ԍ	ԍ
	deseterična sistema	Ԍ	ԍ