Wp/isv/Ԋ

Ԋ, ԋ (Komi nje) jest kirilična bukva. Ona jest dvadeseta bukva molodcovskogo alfabeta, ktory jezykoznavec Vasilij Molodcov sostavil za komi jezyk i služil kako služebny pravopis komi-zyrjanskogo i komi-permjačskogo jezykov v lětah 1918–1932 i 1936–1938. Ona izvodi se od kiriličnoj bukvy Н i označaje jejin mekky ekvivalent: zvučnu nosovu palatalnu suglasku [ɲ]. V lětah 1932–1936, v periodu latinizacije v Sovětskom sojuzu, ona byla zaměnjena na latinsku bukvu Ꞑ, a v 1938 g. definitivno na Н (prěd bukvami ь, е, ё, и, ю, я).

Vse mekke suglasky v molodcovskom alfabetu sut označene hvostom, i ravno kako vse ostale molodcovske bukvy s hvostom (Ԅ, Ԉ i t.d.), Ԋ nikogda ne bylo upotrěbjeno v nijednom drugom jezyku neželi komi. Večinstvo kiriličnyh pism prědstavjaje zvuky [ɲ] i [nʲ] dvuznakom нь. V někojih drugyh jezykah analogičnju rolju izpolnjaje bukva Њ (v srbskom, črnogorskom, makedonskom i medžuslovjanskom, a takože v itelmenskom i udegejskom). Srěd jejnyh arhaičnyh ekvivalentov sut bukvy Ԣ, upotrěbjena v čuvašskom od 1872 do 1938 g. i někojih udmurtskyh izdanjah iz 1875 i 1882 lět, i Н̀, upotrěbjena medžu drugymi v 19. stolětju v komi alfabetu Andersa Sjögrena.

Kodovanje

Kodovanje		Ԋ	ԋ
Nazva v Unikodu		CYRILLIC CAPITAL LETTER KOMI NJE	CYRILLIC SMALL LETTER KOMI NJE
Unikod	šestnadseterična sistema	U+050A	U+050B
	deseterična sistema	1290	1291
HTML	šestnadseterična sistema	Ԋ	ԋ
	deseterična sistema	Ԋ	ԋ