Wp/isv/Ԇ

Bukva Ԇ v nazvě gazety ВӦРЛЕԆЫԌ «Lěsny rabotnik» (v sučasnom pravopisu: ВÖРЛЭДЗЫСЬ).

Ԇ, ԇ (Komi dzje) jest kirilična bukva. Ona jest dvanadseta bukva molodcovskogo alfabeta, ktory jezykoznavec Vasilij Molodcov sostavil za komi jezyk i služil kako služebny pravopis komi-zyrjanskogo i komi-permjačskogo jezykov v lětah 1918–1932 i 1936–1938.

Ona proizhodi od kiriličnoj bukvy З i označaje zvučnu alveolo-palatalnu afrikatu [d͡ʑ]; v alfabetu Molodcova vse afrikaty sut označene nižnjeju črtkoju – ravno kako Җ i Щ.

V sučasnom alfabetu tuta suglaska piše se dvuznakom Дз. V 19. stolětja, kogda komi jezyk ješče ne iměl standardny pravopis, avtori koristali različne alternativne bukvy za tutoj zvuk, napr. Ꚉ̀ (Anders Sjögren) ili Ԭ (Pavel Savvaitov). Ekvivalent v udmurtskom jezyku jest bukva Ӟ.

Kodovanje

Kodovanje		Ԇ	ԇ
Nazva v Unikodu		CYRILLIC CAPITAL LETTER KOMI DZJE	CYRILLIC SMALL LETTER KOMI DZJE
Unikod	šestnadseterična sistema	U+0506	U+0507
	deseterična sistema	1286	1287
HTML	šestnadseterična sistema	Ԇ	ԇ
	deseterična sistema	Ԇ	ԇ