Wp/isv/Ө

Ө, ө (prěčrknuto O) jest kirilična bukva upotrěbjajema v mnogyh neslovjanskyh, prěvažno turkijskyh i mongolskyh jezykah. Ona jest kombinacija bukv О i Е. Pomimo shodnoj formy, ona ne imaje ničto občego ni s grečskoj bukvy Θ (theta), ni s starokiriličnoj bukvy Ѳ (fita). Za transliteraciju v sistemě ISO 9 koristaje se latinska bukva ô.

V kiriličnyh azbukah mnogyh turkijskyh jezykov (medžu drugymi azerbajdžanskogo, baškirskogo, dolganskogo, jakutskogo, karakalpakskogo, kazahskogo, kyrgyzskogo, tatarskogo, tofalarskogo, turkmenskogo, tuvinskogo, ujgurskogo) ona označaje prědnju samoglasku [ø] ili [œ]. Menša grupa turkijskyh jezykov upotrěbjaje bukvu Ӧ za tojže sam zvuk.

V mongolskom ona označaje samoglasku [ɵ~o], v burjatskom [œ], v kalmykskom jezyku [o].

Bukva Ө takože koristaje se v selkupskom (izgovor: [ø]), komi-jazvinskom (izgovor: [ɯ~ɤ̹̈]), sěverozapadnom marijskom (izgovor: [ů]), někojih dialektah hantyjskogo (izgovor: [ŏ]), evenskom (izgovor: [ɵ]) i ketskom (izgovor: [o]). Někoje jezyky (sěverozapadny marijsky, hantyjsky, evensky) takože imajut variant s umlautom, Ӫ.

Pametnik

Pametnik tuvinskym bukvam v Kyzylu

V gradu Kyzyl v Tuvinskoj republikě nahodi se Pametnik bukvam «Ө, Ң, Ү», harakterističnym za tuvinsky jezyk.

Kodovanje

Kodovanje		Ө	ө
Nazva v Unikodu		CYRILLIC CAPITAL LETTER BARRED O	CYRILLIC SMALL LETTER BARRED O
Unikod	šestnadseterična sistema	U+04E8	U+04E9
	deseterična sistema	1256	1257
HTML	šestnadseterična sistema	Ө	ө
	deseterična sistema	Ө	ө

Izvor

• "Omniglot.com".