Wp/isv/Ӧ (kirilica)
Ӧ, ӧ (O s umlautom ili O s tremoju) jest kirilična bukva upotrěbjajema v někojih uralskyh i turkijskyh jezykah. Osoblivo za permsku grupu uralskyh jezykov, tuta bukva jest mnogo harakteristična. V Syktyvkaru, glavnom gradu Republiky Komi, nahodi se od 2011 g. Pametnik bukvě «ӧ».[1][2]
V komi-zyrjanskom i komi-permjačskom jezykah, ona označaje samoglasku [ɘ] ili [ǝ], v komi-jazvinskom samoglasku [ɵ], a v udmurtskom samoglasku [ʌ]. Iz ostalyh uralskyh jezykov, ona takože upotrěbjaje se v marijskyh jezykah (izgovor: [œ]), v někojih dialektah hantyjskogo jezyka (izgovor: [ø]) i selkupskom (izgovor: [ɘ]). Narymsky dialekt selkupskogo jezyka takože imaje (malo razprostranjeny) dolgy variant tutoj bukvy: Ӧ̄.
Turkijske jezyky upotrěbjajuče bukvu Ӧ sut altajsky, hakassky, gagauzsky, šorsky i urumsky. V njih ona označaje prědnju samoglasku [ø]. Večinstvo turkijskyh jezykov, jednakože, za tutoj zvuk koristaje drugu kiriličnu bukvu, imenno: Ө.
Nakonec, v Iranskom jezyku kurdsky bukva Ӧ prědstavjaje zvuk [œ].
V russkoj prědrevolucijnoj ortografiji, bukva Ӧ koristala se za prědstavjenje zvukov [ø] ili [ǝ] iz turkijskyh jezykov, napr. Карагӧль (iz turkmenskoj nazvy Garagöl). Poněkogda ona takože koristaje se za prědstavjenje izgovora latinskoj bukvy ö v učebnikah němečskogo jezyka, napr. Кӧльн «Köln».[3]
Ačekoli tuta bukva ne naleži k nijednoj medžuslovjanskoj azbuky, ona može služiti za kirilizaciju latinskoj bukvy ö.
Kodovanje
[edit | edit source]| Kodovanje | Ӧ | ӧ | |
|---|---|---|---|
| Nazva v Unikodu | CYRILLIC CAPITAL LETTER O WITH DIAERESIS | CYRILLIC SMALL LETTER O WITH DIAERESIS | |
| Unikod | šestnadseterična sistema | U+04E6 | U+04E7 |
| deseterična sistema | 1254 | 1255 | |
| HTML | šestnadseterična sistema | Ӧ |
ӧ |
| deseterična sistema | Ӧ |
ӧ | |
Iztočniky
[edit | edit source]- ↑ Сивкова, Анастасия (9 junija 2011). "Александр Выборов: «Монумент букве «ö» – не памятник, а символ»". Красное Знамя (na russkom). Bylo arhivovano iz iztočnika 23 junija 2021.
- ↑ Романова, Полина (19 maja 2024). "От анбура до алфавита". Национальный акцент (na russkom).
- ↑ Носков, Сергей (4 julija 2016). Самоучитель немецкого языка (na russkom). Litres. str. 22–23. ISBN 978-5-04-016539-1.