Wp/isv/Ӂ

Ӂ, ӂ (Ž s brevisom) jest bukva razširjenogo kiriličnogo alfabeta, osnovana na bukvě ж s dobavjenjem brevisa i upotrěbjajema v někojih neslovjanskyh jezykah.

V moldavskom jezyku ona označaje zvučnu postalveolarnu afrikatu [d͡ʒ], odgovarjajuču rumunskoj bukvě g prěd samoglaskami e ili i; tuta bukva byla oficialno vvedena v moldavsky jezyk Sovětom ministrov Moldavskoj SSR v 1967 g.

V gagauzskom jezyku ona takože označaje zvuk [d͡ʒ] (v sučasnom latinskom alfabetu pisany bukvoju c). Ona byla vvedena v 1968 g., i ačekoli gagauzka kirilica byla oficialno zaměnjena latiniceju v 1993, kirilica ješče koristaje se někojih izdanjah i dnes.

Kromě togo, bukva ӂ byla upotrěbjena za pisanje komi-permjačskogo jezyka v treh bukvarah (1897, 1889 en 1890 g.) i v učebniku iz 1906 g., v ktoryh označaje zvuk [d͡ʒ], dnes označeny dvuznakom дж.

Nakonec, bukva ӂ javi se v historičnyh pravopisah něḱojih kavkazskyh jezykov:

• Ona byla upotrěbjena v kiriličnom pravopisu abhazskogo jezyka iz lět 1909–1926, m.dr. v slovnikah, ktoryh avtorom byl Andrej Čočua. Ona označala zvuk [ʒ], nyně pisany dvuznakom жь.
• V udinskom jezyku ona byla upotrěbjena v publikacijah bratov Mihaila i Semjona Bežanovyh iz lět 1888 i 1902, prědstavjajuči zvuk [ʒ:] (nyně pisany dvuznakom жъ).
• V rukopisnom tekstu Pjotra Uslara o tabasaranskom jezyku ona označala zvuk [ʒʷ], nyně pisany dvuznakom жъ.

Kodovanje

Kodovanje		Ӂ	ӂ
Nazva v Unikodu		CYRILLIC CAPITAL LETTER ZHE WITH BREVE	CYRILLIC SMALL LETTER ZHE WITH BREVE
Unikod	šestnadseterična sistema	U+04C1	U+04C2
	deseterična sistema	1217	1218
HTML	šestnadseterična sistema	Ӂ	ӂ
	deseterična sistema	Ӂ	ӂ