Jump to content

Wp/isv/Қ

From Wikimedia Incubator
< Wp | isv
Wp > isv > Қ

Қ, қ (к s nižnjeju črtkoju, kaf; ang.: ka with descender) jest bukva razširjenoj kirilice, osnovana na bukvě к i upotrěbjajema v alfabetah poněkojih neslovjanskyh, osoblivo turkijskyh i iranskyh jezykov, kde ona v občem označaje bezzvučny uvularny eksplosiv [q]. Ona takože upotrěbjaje se v abhazskom alfabetu, kde označaje bezzvučny velarny eksplosiv s pridyhan​jem [kʰ].

Turkijske jezyky

Kazahsky alfabet
Қ na uzbekskoj tipkovnici

Bukva қ od samogo početka nahodila se v kiriličnyh alfabetah kazahskogo, karakalpakskogo i uzbekskogo jezykov, vvedenyh v 1940 g. poslě perioda latinizacije. V 1946 g. takože byl vvedeny kiriličny alfabet za ujgursky jezyk. Onogda večinstvo menših jezykov ješče bylo nepisemnyh, ale pozdněje bukva қ takože našla se v alfabetah stvorjenyh za šorsky (1988 g.)[1][2] tofalarsky (1990 g., ale pozdněje zaměnjena na ӄ)[3], teleutsky (početok 1990-yh lět)[4], sojotsko-caatansky (2001), čulymsky (meletsky dialekt, 2007–2018)[5] i kumandinsky (2024)[6] jezyky.

V 1939 bukva қ nahodila s v jednom projektu azerbajdžanskogo alfabeta za označen​je zvuka [ɟ], ale v 1940 g. byla ustanovjena definitivna versija s ҝ.[7] Ona takože nahodila se v prědloženom alfabetu za kyrgyzsky jezyk iz 1939 g., ale v utvrdženom alfabetu 1941 g. bukva к jednočasno služila i za zvuky [k] i [q].[8] V alfabet karačajevo-balkarskogo jezyka bukva қ byla vvedena v 1961 g., ale uže v 1964 g. zaměnjena na къ.[9]

Ostale turkijske jezyky s kiriličnym alfabetom ili ne imajut zvuk [q] (napr. čuvašsky, tuvinsky, hakassky, turkmensky, azerbajdžansky), ili koristajut drugu bukvu (napr. ҡ v baškirskom ili х v jakutskom) ili dvuznak къ (m.dr. tatarsky, krymskotatarsky, nogajsky).

Iranske jezyky

Na tadžikskoj banknotě

V iranskyh jezykah bukva қ prvično pojavila se v kiriličnom alfabetu za tadžiksky jezyk, ktory 18 junija 1939 g. byl publikovany v gazetě «Коммунист Таджикистана» i s někojimi izměnami byla vvedena v 1940 g. Pozdněje ona nahodila se v alfabetah jagnobskogo (konec 1980-yh ili početok 1990-yh lět) i pamirskyh jezykov vahanskogo (od 1989 g.), šugnanskogo (od 1990-yh lět), rušanskogo (v dvupisemnom prěvodu Evangelja Luky iz 2001 g.) i jazgulamskogo (od 2010-yh lět).[10][11] Ona takože byla koristana kratkotrajno za pisan​je beludžskogo jezyka v Turkmenskoj SSR v lětah 1989–1990, ale izključena v pozdnějših izdan​jah.

Tungusske jezyky

V 1957 g. razrabotany byl kiriličny alfabet za sibinsky jezyk, govorjeny v Kitaju, ktory jednakože nikogda ne byl upotrěbjeny v praktikě. V tutom alfabetu bukva қ takože označala zvuk [q].

Kromě togo, na Vikidanyh nahodi se oroksky alfabet iz 2004 s bukvoju қ, ale ne jest podany nijedin izvor.[12]

Abhazsky

V rukopisnoj monografiji Pjotra Uslara o abhazskom jezyku iz 1862 g. nahodi se bukva, ktoru izgledaje menje-bolje kako қ ili к̧, ale v pečatnyh izdan​jah od 1892 g. iměla izgled ӄ.[13][14] Forma қ vrnula se s ponovnym ustanovjen​jem kirilice v abhazskom jezyku v 1954 g. V protivnosti k drugym jezykam, v abhazskom ona ne označaje uvularny eksplosiv, ale bezzvučny velarny eksplosiv s pridyhan​jem [kʰ]. Za zvuk [q] abhazsky koristaje bukvu ҟ (do 1926 g. ԛ).

V svojem alfabetu za bzybskogo dialekta iz 1906 Semjon Mihajlovič Ašhacava kromě қ takože koristal bukvy қ̇ i қ̊.[15]

V abhazskom alfabetu ona nahodi se ne samo kako samostojna bukva, ale takože v dvuznakah қь i (od 1996 g.) қә, prědstavjajuče palatalizovany i labializovany ekvivalenty.[16]

Ostale jezyky

Alfabet hantyjskogo jezyka

Bukva қ koristaje se v surgutskom dialektu hantyjskogo jezyka, poněkogda takože v drugyh dialektah zaměsto bukvy ӄ.

Nakonec, amerikanec Adam Din koristaje ju v svojem prědloženom pravopisu za ubyhsky jezyk za označen​je zvuka [q].[17]

Transliteracija

V latinskoj transliteraciji suglasno sistemam ISO 9:1995 i ГОСТ 7.79—2000 bukvě Қ қ odpovědaje K̦ k̦,[18] V ostalyh sistemah za vse jezyky kromě abhazskogo ona transliteruje se obyčno kako Q q.

V naučnyh sistemah za transliteraciju abhazskogo jezyka koristaje se K k. Jednakože v sistemě ALA-LC қ, қь i қә transliterujut se kako k̇h, k̇h’ i k̇hẇ.[19]

Kodovan​je

Kodovan​je Қ қ
Nazva v Unikodu CYRILLIC CAPITAL LETTER KA WITH DESCENDER CYRILLIC SMALL LETTER KA WITH DESCENDER
Unikodšestnadseterična sistema U+049A U+049B
deseterična sistema 1178 1179
HTMLšestnadseterična sistema &#x49a; &#x49b;
deseterična sistema &#1178; &#1179;

Iztočniky

  1. ↑ Kazagasheva, Uliana (2016). Phonemic inventory of the Shor language. Master's Theses and Doctoral Dissertations. 838 (na anglijskom). Eastern Michigan University. str. 86.
  2. ↑ Ager, Simon. "Shor (Шор тили)". Omniglot.com (na anglijskom). Data dostupa: 29 dekembra 2025.
  3. ↑ Ager, Simon. "Tofa (Тоъфа дыл)". Omniglot.com (na anglijskom). Data dostupa: 29 dekembra 2025.
  4. ↑ Токмашев, М.Г.; Токмашев, Д.М. (2008). Теленет тили / Телеутский язык (PDF) (na russkom). Кемерово: ООО «СКИФ»; ИПП «Кузбасс». str. 6, 13. ISBN 978-5-85905-367-4.
  5. ↑ Кондияков, А.Ф.; Лемская, В.М. (2021). Чулымский язык д. Пасечное Тюхтетского района Красноярского края 2007–2021 гг. Т. I: Словарь, формы слов и грамматические примеры (PDF) (na russkom). Томск: Издательство Томского университета. str. 22–23. ISBN 978-5-7511-2627-8.
  6. ↑ "Утвержден кумандинский алфавит". Ассоциация коренных малочисленных народов Севера, Сибири и Дальнего Востока (na russkom). 21 oktobra 2024. Data dostupa: 15 novembra 2025.
  7. ↑ "Rus әlifвasь ƣrafiqasь әsasьnda qurulmuş jeni Azәrвajçan әlifвasь". Әdәвijjat ƣәzeti (19 (224)). 23 maja 1939.
  8. ↑ Сумарокова, О. Л. (2021). Кыргызский алфавит: долгий путь к кириллице. Каталог историко-документальной выставки (PDF) (na russkom). Бишкек: Изд-во КРСУ. str. 80, 87. ISBN 978-9967-19-812-8.
  9. ↑ Қарачай-малқар тилни орфографиясы (PDF). Нальчик. 1961. str. 4.
  10. ↑ "Luqō Inǰil / Луқō Инҷил" (PDF). Институт перевода Библии. 2001.
  11. ↑ Сохибназарбекова, Р.М.; Обртелова, Я. (2020). "К проблеме фиксации материалов ваханского языка в Таджикистане". Иранское языкознание 2020. Труды международной научной конференции. Чтения памяти Б.Б. Лашкарбекова к 70-летию со дня рождения (PDF) (na russkom). Москва: Институт языкознания РАН. str. 323.
  12. ↑ "Орокский алфавит". Data dostupa: 20 dekembra 2025.
  13. ↑ Гулиа, Д.И.; Мачавариани, К.Д. (1892). Абхазская азбука. Главнѣйшія молитвы и заповѣди на абхазскомъ и церковно-славянскомъ языкахъ (PDF). Тифлисъ. str. 13.
  14. ↑ Бгажба, Х.С. (1967). Из истории письменности в Абхазии (na russkom). Тбилиси: Мецниереба. str. 67.
  15. ↑ Марр, Н.Я. (1938). "О записывании абхазских текстов". О языке и истории абхазов (PDF) (na russkom). Москва, Ленинград: Издательство Академии наук СССР. str. 158–163.
  16. ↑ Ager, Simon. "Abkhaz (аҧсуа бызшәа)". Omniglot.com (na anglijskom). Data dostupa: 16 dekembra 2025.
  17. ↑ Ager, Simon. "Ubykh (ТВaҳəбзa/Twaxəbza)" (na anglijskom). Data dostupa: 15 novembra 2025.
  18. ↑ "ГОСТ 7.79—2000 (ИСО 9—95): система стандартов по информации, библиотечному и издателькому делу. Правила транслитерации кирилловского писма латинским алфавитом" (PDF). ifap.ru (na russkom). str. 9. Data dostupa: 10 dekembra 2025.
  19. ↑ "ALA-LC Romanization tables: Non-Slavic Languages (in Cyrillic Script)" (PDF). Data dostupa: 13 dekembra 2025.

Vněšnje linky

И ← Varianty kiriličnyh bukv К, Ԛ → Л

К к · Ќ ќ · К̀ к̀ · К̆ к̆ · К̄ к̄ · К̈ к̈ · К̇ к̇ · К̊ к̊ · К̓ к̓ · К̔ к̔ · К͑ к͑ · К̂ к̂ · К̑ к̑ · Кꙻ   кꙻ   · Кʼ кʼ · · ͑ ͑ · · Ҡ ҡ · Ҟ ҟ · Ԟ ԟ · Ҝ ҝ · К̣ к̣ · К̧ к̧ · К̱ к̱ · Қ қ · Қ̇ қ̇ · Қ̊ қ̊ · Ӄ ӄ · Ӄ̀ ӄ̀ · Ӄ̆ ӄ̆ · Ӄ’ ӄ’
Ԛ ԛ · Ԛ̄ ԛ̄ · Ԛ̆ ԛ̆ · Ԛ̇ ԛ̇ · Ԛ̊ ԛ̊ · Ԛꙻ   ԛꙻ   · Ҁ ҁ

Retrieved from "https://incubator.wikimedia.org/w/index.php?title=Wp/isv/Қ&oldid=6964516"