Wp/isv/Җ

Җ, җ (Ž s nižnjeju črtkoju) jest kirilična bukva, osnovana na bukvě Ж i upotrěbjajema v poněkojih neslovjanskyh jezykah. Izgovarjaje se različno, zavisno od danogo jezyka:

• V tatarskom ona prědstavjaje alveolo-palatalny frikativ [ʑ]. Tojže sam izgovor strěčaje se v meletskom dialektu čulymskogo jezyka.
• V kalmykskom jezyku, v ujgurskoj kirilici (upotrěbjajemoj glavno v državah Centralnoj Azije) i v turkmenskoj kirilici (oficialno v Turkmenistanu v lětah 1940–1993) ona prědstavjaje zvučnu postalveolarnu afrikatu [d͡ʒ].
• V molodcovskom alfabetu jezyka komi, v upotrěbě v 1918–1932 i 1936–1938 lětah, ona takože prědstavjala zvučnu postalveolarnu afrikatu [d͡ʒ]; v sistemě Molodcova nižnja črtka označala afrikaty, takože v bukvah Ԇ i Щ. V 1937 g. bylo prědloženje vvedenja bukvy Җ v komi-permjačsky jezyk za tojže glasky, ale nakonec zaměsto njej byl izbran dvuznak дж, kako v komi-zyrjanskom.
• V jezyku dungansky (jediny sino-tibetsky jezyk pisany kiriliceju) Җ izgovarjaje se kako [d̥ʒ/d̥ʑ̥] (ili [ʈ͡ʂ/t͡ɕ]).
• Nakonec, v 1957 g. bylo prědloženje vvedenja kiriličnogo alfabeta v sibinsky jezyk v Kitaju (s bukvoju Җ [ɖ͡ʐ/d͡ʑ]), ale ono nikogda ne vošlo v upotrěbu.

Kodovanje

Kodovanje		Җ	җ
Nazva v Unikodu		CYRILLIC CAPITAL LETTER ZHE WITH DESCENDER	CYRILLIC SMALL LETTER ZHE WITH DESCENDER
Unikod	šestnadseterična sistema	U+0496	U+0497
	deseterična sistema	1174	1175
HTML	šestnadseterična sistema	Җ	җ
	deseterična sistema	Җ	җ