Wp/isv/Ѩ

Ѩ, ѩ (jotovany maly jus, v glagolici: Ⱗ) jest arhaična kirilična bukva, ktora nyně upotrěbjaje se samo v literugičnyh tekstah na crkovnoslovjanskom jezyku. Ona jest jotovany odpovědnik bukvy Ѧ (malogo jusa) i prvopočetno označala v starocrkovnoslovjanskom jotovanu nosovu samoglasku [jɛ̃], ale uže v starovozhodnoslovjanskom jejin izgovor sovpadl s izgovorom bukvy Ꙗ [ja], čto napriklad pričinilo, že jednočasno pisalo se ѩзꙑкъ, ѧзꙑкъ i ꙗзꙑкъ «jezyk». Jediny slovjansky jezyk, v ktorom nosovy izgovor shranil se do dnes, jest poljsky, ačekoli poljska kombinacija ‹ję› ne vsegda sovpadaje s staroslovjanskym Ѩ.

V naučnyh transliteracijah iz starocrkovnoslovjanskogo, rekonstrukcijah praslovjanskogo jezyka i medžuslovjanskom etimologičnom alfabetu ona obyčno prědstavjaje se bukvoju ‹ję›.

V južnoslovjanskyh tekstah 11. i 12. stolětij strěčaje se takože variant malogo jusa, tako nazyvajemy zakryty maly jus (Ꙙ, ꙙ), ktory takože iměl rědko upotrěbjeny jotovany variant (Ꙝ, ꙝ).

Kodovanje

Kodovanje		Ѩ	ѩ	Ꙝ	ꙝ
Nazva v Unikodu		CYRILLIC CAPITAL LETTER IOTIFIED LITTLE YUS	CYRILLIC SMALL LETTER IOTIFIED LITTLE YUS	CYRILLIC CAPITAL LETTER IOTIFIED CLOSED LITTLE YUS	CYRILLIC SMALL LETTER IOTIFIED CLOSED LITTLE YUS
Unikod	šestnadseterična sistema	U+0468	U+0469	U+A65C	U+A65D
	deseterična sistema	1128	1129	42588	42589
HTML	šestnadseterična sistema	Ѩ	ѩ	Ꙝ	ꙝ
	deseterična sistema	Ѩ	ѩ	񂖈	񂖉