Wp/isv/Ѥ

Є є (jotovany е) jest bukva staroslovjanskoj kirilice, upotrěbjena v starocrkovnoslovjanskom i starovozhodnoslovjanskom, a takože v srbskoj redakciji crkovnoslovjanskogo. Ona byla stvorjena kako ligatura bukv І i Є i izgovarjaje se kako [je] ili [jɛ] na početku slova ili poslě samoglasky. Poslě suglasky (najčestěje л, н ili р) pričinjaje jejno smekčenje.

Tuta bukva ne imaje ekvivalent v glagolici i ne imaje numerično značenje.

Uže v 15. stolětju ona izhodila iz upotrěby na russkyh teritorijah i osoblivo v Ukrajině jejnu rolju prějela bukva є. U južnyh slovjanov ona funkcionovala dolžeje, v srbskoj pečati do 17. stolětja. Ješče na polovině 19. stolětje byla podjeta proba za jejno oživjenje v bulgarskom pravopisanju, ktora jednakože okazala se neuspěšnoju.

Kodovanje

Kodovanje		Ѥ	ѥ
Nazva v Unikodu		CYRILLIC CAPITAL LETTER IOTIFIED E	CYRILLIC SMALL LETTER IOTIFIED E
Unikod	šestnadseterična sistema	U+0464	U+0465
	deseterična sistema	1124	1125
HTML	šestnadseterična sistema	Ѥ	ѥ
	deseterična sistema	Ѥ	ѥ