Jump to content

Wp/isv/Ц s dolgoju lěvoju nogoju

Add links
From Wikimedia Incubator
< Wp | isv
(Redirected from Wp/isv/Ц с долгоју лєвоју ногоју)
Wp > isv > Ц s dolgoju lěvoju nogoju
   
Ц̍ ц̍

, (ce s dolgoju lěvoju nogoju) jest bukva kirilice, osnovana na bukvě ц, ktora nahodila se v prvom kiriličnom alfabetu abhazskogo jezyka, stvorjenom Pjotrom Karlovičem Uslarom i publikovanom v 1862 g. v jegovoj monografiji Abhazsky jezyk.[1] Ona označaje pridyhanu bezzvučnu alveolopalatalnu afrikatu [t͡ɕʰ], harakterističnu za bzybsky dialekt, ale odsutnu v abžujskom dialektu, na ktorom osnovany jest sučasny abhazsky jezyk.

V 1887 g. ukrajinsky pedagog Myhajlo Romualdovyč Zavadskyj publikoval posmrtno, tipografično izdan‍je Uslarovoj monografije, v ktorom izměnil izgled poněkojih bukv, argumentujuči, že rukopisne bukvy Uslara «značno uveličivajut cěnu izdan‍ja, bez vsekakoj prědnosti za děla», i že «Uslar, nakoliko nam izvěstno, ne govori o neobhodimosti shranjen‍ja prijetyh jim načrtanij, a samo izražaje želan‍je udržati čislo znakov, čto my v točnosti i jesmo izpolnili».[2] Zaměsto Uslarovoj bukvy Zavadskyj koristal variant bukvy ц s vrhnjeju vertikalnoju črtkoju: ц̍. Jednakože večinstvo modifikacij Zavadskogo ne prijelo se, a v pozdnějših variantah abhazskoj kirilice bzybske bukvy byli odsutne.[3] Izključen‍jem jest bzybsky alfabet, stvorjeny v 1906 g. historikom i aktivistom Semjonom Mihajlovičem Ašhacavoju, v ktorom zvuk [t͡ɕʰ] označaje bukva ц̊, v 1916 revidovana njim na ц̇.[4] V latinskom alfabetu Nikolaja Marra (1926–1928) ekvivalentom tutoj bukvy bylo ϑ̩.[5] Abhazsky lingvist Vjačeslav Čirikba za označen‍je tutogo zvuka koristaje dvuznak ць,[6] lingvist Huhut Bgažba v svojej naučnoj transkripciji ц’ (kirilica) i c’ (latinica).[7]

Kodovan‍je

Bukva ješče ne jest vključena v Unikodu, ačekoli vključen‍je bylo prědloženo v 2022 g.[8][9] Variant Ц̍ ц̍ takože ne jest dostupny kako samostojny znak, ale može byti pisany s pomočju kombinujučego diakritičnogo znaka:

Kodovanje Ц ц ◌̍
Nazva v Unikodu CYRILLIC CAPITAL LETTER TSE CYRILLIC SMALL LETTER TSE COMBINING VERTICAL LINE ABOVE
Unikodšestnadseterična sistema U+0426 U+0446 U+030D
deseterična sistema 1062 1094 781
HTMLšestnadseterična sistema &#x426; &#x446; &#x30d;
deseterična sistema &#1062; &#1094; &#781;

Iztočniky

  1. ↑ Услар, Петр (1862). Этнографія Кавказа. Языкознаніе. Абхазскій языкъ (PDF). Тифлисъ.
  2. ↑ Uslar (1887), str. VIII–IX.
  3. ↑ Bgažba (1967), str. 44–45.
  4. ↑ Bgažba (1964), str. 16–17.
  5. ↑ Marr, str. 161.
  6. ↑ Čirikba, str. 22.
  7. ↑ Bgažba (1964), str. 43–46.
  8. ↑ Manulov, Nikita (18 septembra 2022). "Proposal to encode 23 Cyrillic characters for old Uslar's Caucasian Alphabets" (PDF). Unicode.org (na anglijskom). Data dostupa: 3 januara 2026.
  9. ↑ "Recommendations to UTC #173 November 2022 on Script Proposals" (PDF). Unicode.org (na anglijskom). 28 oktobra 2022. str. 16–17. Data dostupa: 3 januara 2026.

Izvory

Vněšnje linky

Х ← Varianty kiriličnoj bukvy Ц → Ч

Ц ц · Ц́ ц́ · Ц̌ ц̌ · Ц̄ ц̄ · Ц̓ ц̓ · Ц̍ ц̍ · Ц̊ ц̊ · Ц҄ ц҄ · Ц҄̊ ц҄̊ · Ц’ ц’ · Ц̱ ц̱ · · Ꙡ ꙡ · Ꚏ ꚏ · Ꚏ̆ ꚏ̆ · Ꚏ̇ ꚏ̇ · Ꚏ̊ ꚏ̊ · Ҵ ҵ · ·

Retrieved from "https://incubator.wikimedia.org/w/index.php?title=Wp/isv/Ц_s_dolgoju_lěvoju_nogoju&oldid=7033856"