Wp/isv/Flejta

Flejta jest jedin iz rodiny drěvěnyh dutelnyh muzikalnyh instumentov. Kako i vse drěvěne dutelne instrumenty, flejty sut aerofony, proizvodeče zvuk vibrujučim stolpom vozduha. Flejty proizvodet zvuk kogda vozduh dudara prohodi skroz otvor. Muzikant, ktori igraje na flejtě, imenuje se flejtist ili dudar.

Paleolitične flejty s provrčanyme otvorami sut najrannje znane muzikalne instrumenty. Několiko flejt, datujemyh priblizno 53,000 – 45,000 lět prěd byli najdene v regionu Švabska Jura, na teritorije modernoj Němcije, čto ukazyvaje na razvitu muzikalnu tradiciju od najvyše rannjego prisutstva člověka v Evropě. Hot najstarějše, znane v tutom času, byli najdene v Evropě, Azija takože imaje dolgu historiju s tutym instrumentom. Flejta, stvrojena iz kosti, byla najdena v Kitaju i datuje se priblizno 9,000 lět prěd. V Amerikě takože jestvovala drěvna kultura flejt. Instumenty, najdene v argeologičnom gradu Karal, v Peru, imajut vozrast 5,000 lět. Instrumenty, najdene v modernom regionu Labrador, imajut věk okolo 7,500 lět. Bambusova flejta imaje dolgu historiju, osoblivo v Kitaju i Indije. Flejty byli najdene v historičnyh zapisah i proizvedenjah umětnosti, počinajuči s dinasije Čžou (okolo 1046–256 lět do našej doby).

Iztočniky

Tutoj članok imaje prěvod iz članka «Flute» v Vikipediji na anglijskom (spis avtorov; dozvoljeńje CC BY-SA 4.0).