Wp/isv/С (kirilica)

С, с (es) jest bukva kiriličnoj azbuky, ktora označaje bezzvučny alveolarny frikativ [s], a v někojih jezykah (russky, ukrajinsky, bělorussky, bulgarsky) prěd palatalizujučeju samoglaskoju ili mekkym znakom takože jegov palatalizovany ekvivalent [sʲ]. V medžuslovjanskoj kiriličnoj azbukě ona zajmaje dvadeset vtoro město, poslě р i prěd т. Jejin ekvivalent v latinici jest s.

V staroslovjanskoj azbukě tuta bukva iměla nazvu слово «slovo, rěč» i čislno značenje «200». Ona jest bazovana na grečskoj bukvě sigma (Σ, σ/ς), izvedenoj iz feničskoj bukvy šin (𐤔), ktora v době helenizma (4.-3. stolětje p.n.e.), a takože v srědnjevěčju često byla pisana v uproščenoj formě (Ϲ, ϲ: tako nazyvajema «lunasta sigma»), vizualno identičnoj kiriličskoj bukvě.

Kirilično с ne jest srodno ni s identično izgledajučeju latinskoju bukvoju c, ktora proizhodi od grečskoj bukvy gamma (Γ), ni s svojim glagoličnym ekvivalentom Ⱄ.

Na osnově bukvy с byli takože stvorjene varianty, napr. с́ [ɕ] v črnogorskom, ҫ [θ] v baškirskom a [ɕ] v čuvašskom i enecskom, ԍ [ɕ] v komi-zyrjanskom pravopisu Molodcova lět 1918–1932 i 1936–1938.

Kodovanje

Kodovanje		С	с
Nazva v Unikodu		CYRILLIC CAPITAL LETTER ES	CYRILLIC SMALL LETTER ES
Unikod	šestnadseterična sistema	U+0421	U+0441
	deseterična sistema	1057	1089
HTML	šestnadseterična sistema	С	с
	deseterična sistema	С	с
	alfabetična sistema	&#Scy;	&#scy;