Wp/isv/Sila jest Pravo

Sila jest Pravo ili Prěžitje najprigodnějšego

Avtor	Ragnar Redbeard; neznany avtor
Rok publikacije	1896
Jezyk originala	anglijsky
Tematika	socilany darvinizm, filozofija, satira
ISBN	0-9728233-0-1

Sila jest Pravo ili Prěžitje najprigodnějšego jest kniga, napisana neznanym avtorom pod psevdonimom Ragnar Redbeard. Generalno verět, že realny avtor jest avstralijec Arthur Desmond, ale to jest sporny fakt. Vprvo kniga byla publikovana v 1896 roku. Kniga propaguje amoralnost, konsekvencializm i psihologičny hedonizm.

Sodržanje knigy

Avtor tako rezumuje svoju tvorbu:

Ta kniga jest osmysljeno odrěčenje od Deseti božjih zapovědij—Zlatogo Pravila—Propovědi na gorě—Respublikanskyh principov—Hristijanskyh principov—i "principov" generalno. Na bazě naučno-evolucijnyh osnov, ona proglašaje absolutizm Sily, i utvrdžaje, že stroge i dogmatične moralne zakony sut grube i amoralne izmysljenja, prodvižniky grěha i rabskoj vasalnosti.

Redbeard v jegovoj knigě odvrgaje tradicijne ideje, take kak jest podpor prirodnyh prav člověka, i utvrdžaje, že jedino "sila muskulov ili mozga" može davati moralno pravo. Kniga takož atakuje hristijanstvo i demokratiju.

Glavne ideje knigy:

• Moč upravjaje světom, a ne moralnost. Moč ili sila (angl. Might) jest jedinstveny realny zakon prirody. Etika ne jest universalna pravda, ale jedino jest produkt moči. Toj, koj imaje vyše moči, toj opěděljaje, čto jest "pravilno".
• Tradicijny moral jest umětny i škodny. Moralne kodeksy sut sdělane člověkom izmysljenja, ne sut prirodne zakony. One jestvujut aby ograničiti silnyh i zaščititi slabyh. Sustradanje, skromnost i altruizm sut pokazane kak instrumenty kontroly.
• Priroda opravdyvaje neravnost. Život jest upravjajemy borboju, konkurencijeju i odborom. Neravnost jest prirodna, neizbežna i želana. Probovanje uravnjati narušaje biologičnu realnost.
• Religija i humanizm sut mehanizmy za vladěnje. Religija jest izobražena kak strategija do uspokajanja i odomašnjenja. Koncepty kak sut "grěh", "dolg" i "čestnost" sut intrumenty za prinudženje poslušnosti. Moralnost služi zaradi rabskoj vasalnosti, a ne pravdy.
• Sila jest čestnost. Sila, živost, dominantnost i samoutvrdženje sut hvalime. Slabost ne jest nevtralna s moralnogo pogleda, ona jest prězirajema. Silni ne imajut povinnosti žrtvovati soboju zaradi ostalyh.
• Antidemokratičnost i antiegalitarizm. Demokratija vidi se kak vlast posrědnjih. Moralnost mas deprimuje izključiteljny individualizm. Elitizm jest prědstavjeny kak prirodny poredok.
• Radikalny indivizualizm. Individ ne jest dolžny ničem občině. Sobstvenovlastny interes jest zakonoměrny i racionalny. Obvezky sut odkydnute, ako li one ne sut prinudžene siloju.

Kniga takože utvrdžaje, že anglo-saksonska rasa jest vyšna nad vsemi ostalymi rasami, že žena i rodina sut vlastničstvo muža. Ona sodrži antihristjanske i antisemitske utvrdženja.

Jest versija, že kniga ne jest radikalnoju ideologijeju i zapravdu jest toliko satira i prěuveličivajuča provokacija, ktora pokazyvaje socialnu realnost. Ona byla napisana s cělju šokovati, provokovati i izjavjajati protivrěčnosti. Dopoka kniga i jest antisocialna, antisocialnost jednako medžutym ne ide protiv sociuma, ale jest jegovo krajno satirično opisanje.

Vněšnje linky

• Tutoj članok imaje prěvod iz članka «Might is Right» v Vikipediji na anglijskom (spis avtorov; dozvoljeńje CC BY-SA 4.0).