Wp/isv/Svatba
Svatba, svatebny obred, svatebny ritual — obred vstupanja v supružstvo (brak), v času ktorogo strany davajut supružsky zarok prěd duhovnikom abo državnym činovnikom v prisutstvu svědkov. V kulturnoj antropologiji svatba jest jednym iz obredov posvečenja.
Socialny smysl supružstva vede k stvorjenju novoj rodiny, ustanovjenju srodstva, izměně rodinno-vozrastnogo statusa i publičnomu priznanju statusa vstupajučih v supružstvo. Odnosi se k najbolje komplikovanym organizovanym obredam. V njem kombinujut se jezyčny, folklorno-poetičny, ritualny, muzikalny, umětny i druge plany, u mnogyh narodov svatba sodrživaje ritualno prěseljenje mladoženky iz doma roditeljev v dom mladoženiha, obměn darami, pir i tako dalje. S supružstvom u vsih narodov je svezano množstvo pověrij, znakov i obredov. U věrečih supružstvo suprovodžaje se religijnymi obredami (věnčanje v hristijanstvu, nikah v islamě i druge).
Etimologija
[edit | edit source]Občeslovjansko slovo. Izhodi od «svat», izhodeče od tamtoj že osnovy, že i «svoj». Sravnitě s svojak, svojsky, svoj člověk i tomu podobne. Rodstvene jemu sut rus. свадьба, сватьба; ukr. весілля; běl. вяселле (star. свадзьба); crk.-slov. сватьба; maked. свадба; bulg. сватба; srbskohor. свадба; sloven. svâdba; slovač. svadba; češ. svatba; pol. swaćba, swadźba.
Vněšnje linky
[edit | edit source]- Tutoj članok imaje prěvod iz članka «Свадьба» v Vikipediji na russkom (spis avtorov; dozvoljeńje CC BY-SA 4.0).