Wp/isv/С́

С́, с́ (sje, es s akutom) jest bukva črnogorskoj kirilice, ktora byla oficialno vvedena v 2009 g. za označenje bezzvučnogo alveolo-palatalnogo frikativa [ɕ], odsutnogo v srbskom. Ona transliteruje se na latinicu pozajetoju iz poljskogo bukvoju ś. Jejin zvučny ekvivalent jest з́ (lat. ź).

Prvy priklad koristanja tutoj bukvy byl v 1926 g.; prědže, v 1884 g., črnogorsky politik Lazar Tomanović prědložil dvuznak шј za tutoj zvuk. Ona koristaje se v takyh slovah kako: с́екира «sěkyra», с́евер «sěver», сус́ед «susěd», с́ести «sjesti».

Zatože tuta bukva byla vvedena odnositeljno nedavno, ona ne jestvuje kako samostojny znak v Unikodu. Zaměsto togo piše se kako kombinacija bukvy С z akutom.

Kodovanje

Kodovanje		С	с	́
Nazva v Unikodu		CYRILLIC CAPITAL LETTER ES	CYRILLIC SMALL LETTER ES	COMBINING ACUTE ACCENT
Unikod	šestnadseterična sistema	U+0421	U+0441	U+0301
	deseterična sistema	1057	1089	769
HTML	šestnadseterična sistema	С	с	́
	deseterična sistema	С	с	ݩ
	alfabetična sistema	&#Scy;	&#scy;