Wp/isv/Р (kirilica)

Р, р (er) jest bukva kiriličnoj azbuky, ktora v osnovnom označaje alveolarny vibrant [r], a v někojih jezykah (russky, ukrajinsky, bulgarsky, medžuslovjansky) prěd palatalizujučeju samoglaskoju ili mekkym znakom takože palatalizovany alveolarny vibrant [rʲ]. V medžuslovjanskoj kiriličnoj azbukě ona zajmaje dvadeset prvo město, poslě п i prěd с. Jejin ekvivalent v latinici jest r.

V staroslovjanskoj azbukě tuta bukva iměla nazvu рьци «rěkti» i čislno značenje «100». Jejin glagoličny ekvivalent jest Ⱃ. Obě bukvy sut bazovane na grečskoj bukvě ro (Ρ, ρ/ϱ), ktora izvedla se iz feničskoj bukvy reš (𐤓). Р ne imaje svez s latinskoju bukvoju p (п v kirilici), ačekoli izgledaje identično.

V někojih slovjanskyh jezykah (srbsky, črnogorsky, makedonsky), a takože v medžuslovjanskom, bukva р može byti slogotvorna, napr. v slovah trg, prvy, vrh.

Kodovanje

Kodovanje		Р	р
Nazva v Unikodu		CYRILLIC CAPITAL LETTER ER	CYRILLIC SMALL LETTER ER
Unikod	šestnadseterična sistema	U+0420	U+0440
	deseterična sistema	1056	1088
HTML	šestnadseterična sistema	Р	р
	deseterična sistema	Р	р
	alfabetična sistema	&#Rcy;	&#rcy;