Wp/isv/Rěka

Podkova rěky Kolorado v amerikanskom štatu Arizona jest priměr meandra (rěčno izgnutje), sformovanogo pri postupnom povyšenju i sniženju uravnja vody v ravninnoj rěkě, shranjajuči pri tom svoj prvopočetny put. Rěčne izgnutja generalno nahodet se v ravninnyh městnostah.

Rěka jest neprěryvny potok vody, tekuči po rěčnomu korytu, nahodečemu se na površině Zemje ili pod zemjeju. Rěka može byti kako prirodnoju, tako i umětnoju. Ona imaje oprěděljeny razhod vody, ktory rědko ostavaje se postojannym na proteženju lěta. Ona vtekaje v morje, jezero ili inu rěku, pri poslědnjem taka rěka imaje nazvu pritok. Konečna čest rěky jest jej ustje. Poněkogda rěky končajut se v pustynnyh městnostah, kde voda utračaje se v rezultatu infiltracije i izparovanja.

Rěky sut čest hidrologičnogo cikla. Voda obyčno akumuluje se v rěkě putem atmosfernyh opadkov, črěz vodosborny basen, povrhno stekanje i ine iztoky, take kako sut podnapoj podzemnyh vod, izvory i izkydanje vody, nagromadženoj v prirodnom ledu i sněžnoj pokryvě.

Sumarny objem vsej vody vseh rěk planety i jih vodohranilišč sostavjaje okolo 0,01% od vsego objema vody na Zemje.

Iztočniky

Tutoj članok imaje prěvod iz članka «Río» v Vikipediji na španskom (spis avtorov; dozvoljeńje CC BY-SA 4.0).