Wp/isv/Pametnik tuvinskym bukvam
Pametnik tuvinskym bukvam ili stela «ӨҢY» jest pametnik v glavnom gradu Republiky Tuva, ustanovjeny 31 oktobra 2015 g. po iniciativě Mladežnogo Hurala (parlamenta) republiky pri poddržkě naroda. Nahodi se v centrum grada na terenu Nacionalnogo Muzeja Republiky Tuva im. Aldan-Maadyr, ul. Titova 30.[1] Izobražaje tri kirilične bukvy, ktorym tuvinsky jezyk odličaje se od russkogo: Ө, Ң i Y.[2] Ove tri bukvy imajut vysotu okolo 1,5 metrov i sut iztvorjene iz zrcalnyh listov kompozita zlatogo kolora.[3][4]
V skansenu «Beldir-Kežii» nedaleko grada Šagonar v Tuvě nahodi se drugy pametnik, «Pametnik tuvinskoj pismennosti», ktory takože pokazyvaje bukvy Ө, Ң i Y, ale nad njimi ješče veliku bronzovu bukvu Ъ, ktora v tuvinskom jezyku označaje harakterističnu jemu faringalizaciju.[5]
Iztočniky
[edit | edit source]- ↑ "Деньги на установку тувинских букв Ө, Ң, Ү собраны!". Tuva Online.ru (na russkom). 27 oktobra 2015. Data dostupa: 9 septembra 2025.
- ↑ "Арт-объект Три тувинские буквы". Komandirovka.ru (na russkom). Data dostupa: 9 septembra 2025.
- ↑ "Три тувинских буквы увековечат в Кызыле". Sibnet.ru (na russkom). 23 oktobra 2015. Data dostupa: 9 septembra 2025.
- ↑ "Экскурсия по музейной площади". Культурное наследие Тувы (na russkom). 19 julija 2022. Data dostupa: 9 septembra 2025.
- ↑ "Памятник тувинской письменности". Амурская правда (na russkom). 15 januara 2021. Data dostupa: 9 septembra 2025.