Wp/isv/О (kirilica)

О, о jest bukva kiriličnoj azbuky, koristajema vo vsih jezykah pisajemyh kiriliceju i najčestěje izgovorjena kako [ɔ] ili [o] (v russkom v neakcentovanyh slogah takože kako [ɐ] ili [ǝ]). V medžuslovjanskoj kiriličnoj azbukě ona zajmaje devetnadseto město, poslě њ i prěd п. Jejin ekvivalent v latinici jest o. Velika i mala bukva izgledajut identično latinskoj bukvě O o.

Kirilično о proizhodi od grečskoj bukvy omikron (Ο ο), izvedenoj iz feničskoj bukvy ajin (𐤏). V staroslovjanskoj azbukě ono imělo nazvu онъ (onŭ) «on, toj» i čislno značenje «70»; glagoličny ekvivalent Ⱁ iměl čislno značenje «80». V crkovnoslovjanskom jezyku bukva о projavila se v někojih formah: kromě obyčnogo о jestvovali takože široky on (Ѻ, upotrěbjeno m.dr. na početku slov), očno O v različnyh formah (upotrěbjenyh v konteksu očij) i okrestno O (Ꚛ) v slovah okrestъ «okolo, v okolnosti» i округъ «okrug». Kromě togo, v crkovnoslovjanskom takože jestvovala omega (Ѡ).

Pametnik bukvě «О» v Vologdě

V rosijskom gradu Vologda nahodi se od 2012 g. pametnik bukvě «O».

Kodovanje

Kodovanje		О	о
Nazva v Unikodu		CYRILLIC CAPITAL LETTER O	CYRILLIC SMALL LETTER O
Unikod	šestnadseterična sistema	U+041E	U+043E
	deseterična sistema	1054	1086
HTML	šestnadseterična sistema	О	о
	deseterična sistema	О	о
	alfabetična sistema	&#Ocy;	&#ocy;