Wp/isv/Medvěd koričnevy

Medvěd koričnevy (lat.: Ursus arctos) jest vid mesojednogo sosavca iz rodiny Ursidae. On žive v Aziji, Sěvernoj Evropě i Sěvernoj Amerikě.

Futro medvěda koričnevogo jest temno koričnevo. V poziciji prostoj Ursus arctos měri od 1,8 do 3 metrov. Masa vagaje se medžu 80 a 780 kilogramami. Medvědica rodi dva-tri děti. Brěmennost trva okolo 8 měsecev. Porod jest obyčajno medžu dekembrom a fevruarom.

Medvědi živut diko do 30–40 godov, do 50 godov v nevolji. Oni sut vsežerni; jedut sěmena, griby, doždevyh črvjakov, slimakov, jajca ptakov, med, lovet takože na lěsnyh zvěrjev i na ryby. Oni živut v pralěsah, tajgah i gorskyh lěsah.

Poněkoje podvidy medvěda koričevnego

U. arctos arctos, evrazijatsky medvěd koričnevy — tipičny vid
U. arctos horribilis, medvěd sivy, grizli — v Amerikě
U. arctos middendorffi, kodjak — v Amerikě, po bělom medvědu drugy najveliky pozemny mesojed
U. arctos syriacus, sirijsky koričnevy medvěd — na Blizkom Iztoku i Kavkazu

Vněšnje linky

Tutoj članok imaje prěvod iz članka «Niedźwiedź brunatny» v Vikipediji na poljskom (spis avtorov; dozvoljeńje CC BY-SA 4.0).