Wp/isv/Lev XIV

Lev XIV

Robert Francis Prevost
Lev XIV v 2025
Rodil se	14 septembr 1955 Chicago
Podpis

Papa Lev XIV (* 14 septembra 1955, Chicago; urodženy kako Robert Francis Prevost) - glava Katoličkoj crkve i vladar Vatikanskoj Državy. Byl izbran papoju na konklavě 8 maja 2025 goda, poslě smrti Papy Franciska.

Urodženy v Čikagu, Illinois, Prevost je byl posvečen svečennikom Reda Svetogo Avgustina v 1982 godu. Jegova služba je vključala obširnu rabotu v Peru od 1985 do 1986 i od 1988 do 1998, kde on je različno služil kako župnik, diecezansky činovnik, učitelj v semenariji i administrator. Byl izbrany generalnym priorom Reda Svetogo Avgustina od 2001 do 2013, pozdněje je se vratil do Peru kako episkop Čiklajo (2015–2023). V 2023, Papoju Franciskom imenoval se prefektom Dikasterije za episkopy i prědsědnikom Pontifičnoj komisije za Latinsku Ameriku, i isty god se imenoval kardinalom. Ove rolje povysili sut jegovu izvěstnost kako kandidata na prěstol.

Dvojny gradžan Sjedinjenyh Štatov Ameriky i Peru, Lev je prvy papa iz Sěvernoj Ameriky i prvy, ktory je peruansky gradžan. On je prvy Papa iz Reda Svetogo Avguština i sedmy iz redov, ktore slědujut Pravilu svetega Avgustina. On je četvrty Papa afrikanskogo pohodženja.

Osobny život

Kromě svojego materinskogo anglijskogo, Lev govori na španskom, italijanskom, francuzskom, portugalskom, a takože nemnogo na němečskom jezykah. On uměje čitati latinsky. V času svojego pobyvanja v Peru, on naučil se kečuanskogo jezyka. On opisal sebe kak "dost ljubiteljsky igrač tenisa". On je doživotny fan kluba Chicago White Sox iz Major League Baseball, i byl prisuten na US Cellular Field (tutčas znanom kako Rate Field) v Čikagu za Prvu igru Světskoj serije 2005 goda. On takože ukazyvaje podpor za sport Univerziteta Villanova, osoblivo mužsku basketbolnu ekipu Villanova Wildcats. On redovno igra Wordle i Words with Friends s svojimi bratami. Kako tinejdžer, on je ljubil rekreativnu jezdu.

Vněšnje linky

• Tutoj članok imaje prěvod iz članka «Pope Leo XIV» v Vikipediji na anglijskom (spis avtorov; dozvoljeńje CC BY-SA 4.0).