Wp/isv/Kavkazske jezyky
Kavkazske jezyky jest grupa jezykov govorjenyh v regionu Kavkaza. Pojetje jest prěvažno geografično, a ne lingvistično: k tutoj grupě naležet dvě ili tri avtohtonne jezyčne rodiny, ktore pravdopodobno ne sut srodne s soboju, ačekoli poněkogda sut grupovane zajedno.[1] V takom slučaju ona sodrživaje do 50 raznyh jezykov, vkupě imajuče ok. 11 milionov nositeljev.
Do kavkazskyh jezykov naležet slědujuče rodiny:
- južnokavkazske (kartvelske) jezyky, napr. gruzinsky
- sěverozapadnokavkazske (abhazo-adygske) jezyky, napr. abhazsky i kabardinsky
- sěverovozhodnokavkazske (nahsko-dagestanske) jezyky, napr. čečensky i avarsky
Někoji jezykoznavci, napr. Sergej Starostin i Sergej Nikolajev, tvrdet, že te dvě poslědnje rodiny proizhodet od jednogo prajezyka i zajedno tvoret «sěverokavkazsku rodinu», ale ta hipoteza jest sporna.[2]
V Kavkazu takože govorjene sut jezyky, ktore naležet k drugym jezyčnym rodinam, napr. osetinsky (indoevropejsky) ili karačajevo-balkarsky (turkijsky). Jednakože tute jezyky o občem ne pričisljajut se k kavkazskym jezykam.
Iztočniky
[edit | edit source]- ↑ "kaukaskie języki". Encyklopedia PWN (na poljskom). Data dostupa: 28 novembra 2025.
- ↑ Nikolayev, S.; Starostin, S. (1994). North Caucasian Etymological Dictionary. Moscow: Asterisk Press.