Wp/isv/Zajetje Bastilje
Zajetje Bastilje (fr.: Prise de la Bastille, izgovor: [pʁiz də la bastij]), ktoro se je odbylo v Parižu, Francija, 14. julija 1789., bylo je nasilno politično dějstvo revolucijnyh buntovnikov, ktori pokušali prějeti i okupovati srědnjevěčne oružarnju, tvrdžu i političny zatvor, znajeme kako Bastilja. Poslě četyreh časin borby i 94 smrtij, povstancam udalo se vojdti v Bastilju. Gubernator Bastilje, Bernard-René Jourdan de Launay, i někoji jegovi surabotniki byli ubiti poslě togo, že poddali se. Onogda Bastilja je prědstavjala kraljevsky avtoritet v centru Pariža. V času napada byli v njej sedm zatvorjenyh ljudij i planovano bylo jej razrušenje, ale revolucioneri sut gledali na nju kako na simbol zloupotrěbjenja moči monarhijeju. Pad Bastilje byl početok Francuzskoj revolucije.
V Franciji, 14 julija je narodny prazdnik imenovany «Denj Bastilje». Togda vozpominaje se zajetje Bastilje i prazdnik Sveza, k ktoromu došlo v dnju jego prvoj godišnice v godu 1790.