Wp/isv/Žan-Žak Ruso
| Žan-Žak Ruso (fr.: Jean-Jacques Rousseau) | |
|---|---|
| Portret | .jpg) |
| Rodil se | 28 junija 1712 Ženeva, Ženevska Respublika |
| Umrl | 2 julija 1778 (66 lět) Ermenonvilj, Pikardi, Francuzsko Kraljevstvo |
| Doba | Doba Prosvěčenja |
| Region | Zapadna filozofija |
| Škola | Prosvěčenje, Francuzska filozofija, spoločny dogovor, Sentimentalizm |
| Glavne interesy | Politična filozofija, muzika, edukacija, literatura |
| Jezyk tvorb | Francuzsky |
| Značime tvorby | «Spoločny dogovor», «Žulji, ili Nova Eloiza» |
| Podpis |  |
Žan-Žak Ruso (fr.: Jean-Jacques Rousseau) byl ženevskym filozofom, pisateljem i kompozitorom. Jego politična filozofija povlivala na progres doby Prosvěčenja po vsej Evropě, a takože na aspekty Francuzskoj Revolucije i razvoj modernoj političnoj, ekonomičskoj i edukacijnoj myslji.
Jego «Diskurs o Neravenstvu», ktory utvrdžaje, že privatna vladnost jest iztočnikom neravenstva, i «Spoločny dogovor», ktory izlagaje osnovy za zakonny političny poredok, sut osnovozakladnym kamenem za modernu političnu i socialnu myslji. Sentimentalny roman «Žulji, ili Nova Eloiza» igral važnu rolju v razvoju prědromantizma i romantizma v umětničskoj literaturě. Jego traktat «Emilj, ili o Edukacijě» – obrazovateljny trud o městu ličnosti v spoločenstvu. Avtobiografične tvorby Ruso – posmrtno opublikovane «Izpovědi», zakladavše početok modernoj avtobiografije, i nedovršene «Mečty Jednokogo Hoditelja» – stali priměrom "Doby Čuvstvenosti" konca 18-go stolětja, glavnymi črtami ktoryh byli povyšeno vnimanje i pozornost k subjektivnosti i introspekciji, ktore potom stanut harakternymi za modernu literaturu.
Iztočniky
[edit | edit source]Tutoj članok imaje prěvod iz članka «Jean-Jacques Rousseau» na anglijskom (spis avtorov; dozvoljeńje CC BY-SA 4.0).