Wp/isv/Ж

Ж, ж jest kirilična bukva upotrěbjajema vo vsih slovjanskyh i mnogyh neslovjanskyh kiriličnyh alfabetah. Ona najčestěje označaje glasku [ʒ] ili [ʐ]. V medžuslovjanskoj azbukě ona jest deveta bukva, medžu є i з, a jejin ekvivalent v latinici jest bukva ž.

V staroslovjanskoj azbukě ona iměla nazvu «живѣ́те» (živete) i pravdopodobno byla osnovana na eponimičnoj glagoličnoj bukvě Ⰶ, ktoroj proizhodženje jest neizvěstno. V starokiriličnoj numeraciji ona ne imaje cislno značenje.

Bukva ж izgovorjaje s kako [ʐ] v russkom, bělorusskom i srbskom; kako [ʒ] v ukrajinskom, bulgarskom i makedonskom, kako [d͡ʒ] v kyrgyzskom i (do 1994 g.) uzbekskom, kako [ʑ] v kazahskom i kako [t͡ʃ] v mongolskom. V bělorusskom, ukrajinskom, bulgarskom i medžuslovjanskom ona takože javi se v kombinaciji дж.

Kodovanje

Kodovanje		Ж	ж
Nazva v Unikodu		CYRILLIC CAPITAL LETTER ZHE	CYRILLIC SMALL LETTER ZHE
Unikod	šestnadseterična sistema	U+0416	U+0436
	deseterična sistema	1046	1078
HTML	šestnadseterična sistema	Ж	ж
	deseterična sistema	Ж	ж
	alfabetična sistema	&#ZHcy;	&#zhcy;