Wp/isv/Г

Г, г jest bukva kiriličnoj azbuky, ktoroj izgovor jest [g], [ɣ] ili [ɦ], zavisno od jezyka. V medžuslovjanskoj kiriličnoj azbukě ona zajmaje četvrto město, poslě в i prěd д. Jejin ekvivalent v latinici jest g.

Ona proizhodi iz grečskoj bukvy gamma (Γ γ), ktora izvedla se iz feničskoj bukvy gīml (𐤂). V staroslovjanskoj azbukě ona iměla nazvu «глаго́ли» (glagoli) «govori», a v starokiriličnoj numeraciji iměla značenja «3»; jejin glagoličny ekvivalent (Ⰳ) iměla čislno značenje «4».

V russkom, makedonskom i bulgarskom, a takože napr. v mongolskom, bukva г izgovarjaje se kako [g], ili [k] na koncu slova i [kʲ] prěd palatalizujučeju samoglaskoju. V srbskom jezyk izgovor vsegda jest [g]. V romanizacijah tutyh jezykov ona transliteruje se na g.

V bělorusskom, ukrajinskom i rusinskom jezykah, a takože južnorusskyh narěčjah, ona prědstavjaje frikativ: zvučny glotalny frikativ [ɦ] v ukrajinskom i rusinskom, zvučny velarny frikativ [ɣ] v bělorusskom. V romanizacijah tutyh jezykov ona najčestěje transliteruje se na h.

V někojih turkijskyh jezykah, napr. v kyrgyzskom i tatarskom, jejin izgovor, pored [g], takože može byti [ʁ].

V srbskoj i makedonskoj kirilici mala bukva г v kursivu odličaje se od ostalyh kirilic:

Kodovanje

Kodovanje		Г	г
Nazva v Unikodu		CYRILLIC CAPITAL LETTER GHE	CYRILLIC SMALL LETTER GHE
Unikod	šestnadseterična sistema	U+0413	U+0433
	deseterična sistema	1043	1075
HTML	šestnadseterična sistema	Г	г
	deseterična sistema	Г	г
	alfabetična sistema	&#Gcy;	&#gcy;