Wp/isv/В (kirilica)

В, в jest bukva kiriličnoj azbuky. Ačekoli velika bukva izgledaje točno kako latinsko B [b] i obě bukvy izvodet se iz tojže samoj grečskoj bukvy beta (Β β), jejin standardny izgovor v občem nahodi se v oblasti medžu [v] i [w]. V medžuslovjanskoj kiriličnoj azbukě ona zajmaje tretje město, poslě б i prěd г. Jejin ekvivalent v latinici jest ‹v›.

Ona takože byla tretja bukva staroslovjanskoj azbuky, kde iměla nazvu вѣдѣ (vědě) «znaju». Pod titlom prěstavjala čislo «2» v starokiriličnoj numeraciji, hoti jejin glagoličny ekvivalent (Ⰲ) iměla čislno značenje «3».

V russkom, makedonskom i bulgarskom bukva в imaje osnovny izgovor [v] ([f] na koncu slova, [vʲ] prěd palatalizujučeju samoglaskoju). V srbskom i bělorusskom ona vsegda izgovarjaje se kako [v]. V ukrajinskom jejin standardny izgovor jest [β] ili [ʋ], ale [w] na koncu slova ili prěd suglaskoju. V mongolskom, kalmykskom i kavkazskyh jezykah ona prědstavjaje glasku [w].

Kodovanje

Kodovanje		В	в
Nazva v Unikodu		CYRILLIC CAPITAL LETTER VE	CYRILLIC SMALL LETTER VE
Unikod	šestnadseterična sistema	U+0412	U+0432
	deseterična sistema	1042	1074
HTML	šestnadseterična sistema	В	в
	deseterična sistema	В	в
	alfabetična sistema	&#Vcy;	&#vcy;