Wp/isv/Věk
Věk ili stolětje jest jedinica měrjenja ravna periodu 100 lět. Suglasno sučasnomu lětočisljenjem (od Hristovogo narodženja) věk čisli se od prvogo dnja goda, ktory konči se čislami 01, do poslědnjego dnja najbližejšego goda, ktory konči se čislami 00. Napriklad: 20. věk načinaje se 1 januara 1901, a konči se 31 dekembra 2000 g.
Obratno, v epohah prěd našeju eroju (p.n.e.) věk načinaje se godom, ktory konči se čislami 00, i konči se godom, ktory konči se čislami 01. Napriklad: 5. věk jest period od 500 p.n.e. do 401 p.n.e.
Očevidno 0. věk ne jestvuje.
| 200 | 199 | ... | 102 | 101 | 100 | 99 | ... | 2 | 1 | 1 | 2 | ... | 99 | 100 | 101 | 102 | ... | 199 | 200 |
| 2. věk p.n.e. | 1. věk p.n.e. | 1. věk n.e. | 2. věk n.e. | ||||||||||||||||
Menje specifično věk/stolětje jest neprěrvany period 100 lět. Napriklad: v dnju 28 julija 2014 Prva vsesvětska vojna načela se točno věk tomu nazad.
V slovjanskyh jezykah věk često piše se rimskymi čislami (napr. XVI věk zaměsto 16. věk). V medžuslovjanskom to takože jest možno, ale s obzirom na avtomatičnu transliteraciju pisanje arabskymi čislami jest praktičnějše.