Wp/isv/Vladar prstenjev
«Vladar prstenjev» (ang.: The Lord of the Rings) jest roman fantazy Johna R. R. TolkienaДжона Р. Р. Толкина, ktorogo akcija děje se v mitologičnom světu Srědzemja (ang.: Middle-earth).
Jest ona prodolženjem inogo romana tutogo avtora pod nadpisom «Hobbit, ili tude i nazad» (ang.: Hobbit, or there and back again).
Šest knig
Vladar prstenjev jest često zabludno imenuje se trilogijeju, hot v realnosti jest to romanova cělost, děljena na šest knig. Iz dovoda svojego dužego objema stala izdana v trěh knigah iz dovoda natiskov izdatelja; ne byl to jednakože originalny naměr Tolkina. Roman sklada se iz šesti čestij:
Tema
Dějstvo romana načina se 60 godov po statnostah opisanyh v Hobbitu. Čaroděj Gandalf po prihodu do Šira, državy hobbitov odkryva, že magičny prstenj, ktory jest v iměnju hobbita Bilbo Bagginsa to v realnosti Jedinovy Prstenj, sozdany prěz vladara temnosti, Saurona, ktory pozvaljaje kontrolovati ine Prstenje Vlady. Jestli Sauron bude najdti prstenj, to vse Srědzemje bude pogynuti, a jedinoju metodoju na jegovo izniščenje jest metanje jego v žrlo Orodruina, kde stal izkovany prstenj. Tuto zadanje bere na sebe srodnik Bilbo — Frodo. Jemu ustanovjena družina, ktora imaje jemu pomagati. Jednakože na izhod različnyh slučajev jejini členy razjedinili se, a Frodo toliko so svojim najvěrnějšim drugom Samem prodolžaje svoju groznu misiju. Jest to o tyle trudne zadanje, že Jedinovo Koljce budi silnu žedžu v svojih posědateljah, ktori ne imajut dostatočno silnoj volje, by jemu se sprotiviti. Jihnym provodnikom stavaje Gollum, stvor, ktory byl někogda v iměnju prstenja i za vseliku cěnu hče jego iziskati. V toj samy čas druga čest Srědzemja s Gandalfem, kako načelnikom, i naslědnikom trona Gondora, Aragornom prigotovilo se na vojnu s armijami Saurona. Sudba Srědzemja zavisi jednakože od dvojici hobbitov i jihnoj misije.
Vněšnje linky
- Tutoj članok imaje prěvod iz članka «Władca Pierścieni» v Vikipediji na poljskom (spis avtorov; dozvoljenje CC BY-SA 4.0).